【深宫计】胡定欣饰演皇后系好时机：个人大咗又成熟咗

无线重头剧《宫心计2深宫计》即将播映，担演该剧女一的胡定欣坦言拍摄过程相当辛苦，她说：“的而且确系辛苦嘅，无论精神体力都消耗好大，宫廷戏啲对白又好难，每日收工返去都有好似温书咁，有好多四字成语真系要背先得，对我嚟讲系一个考验考试嚟。每日都拍好长时间，好多时都无足够嘅休息，作为演员要因应唔同条件去保持自己嘅演出。不时都会拍到朝早7、8点先收工，试过有次拍到晏昼一点几，隔一阵又要再开工。”
 

面对超长时间的拍摄工作，定欣表示自己有做开运动，也有吃健康食品，所以都顶得住。她提议：“可以将个拍摄期延长啲，而每日拍嘅时间就缩返短啲，唔使咁密集。”谈到剧中的角色，定欣自言没有谂过自己会饰演皇后：“我觉得今次系一个好时机畀我去演呢个角色，个人大个咗成熟咗，依家呢个阶段好适合。”对于《宫心计》曾有50点的收视，她又可会感到压力呢？“唔需要比较，亦唔使话要去追𠮶50点，依家睇电视嘅模式已经唔同咗，而我哋嘅班底都唔同，用心制作观众会感受到。”