【逆缘】糖妹甲组脚唔见咗 分享跑步瘦脚心得：唔食早餐空肚跑步
糖妹黄山怡于《逆缘》中饰演的Macy蔡明诗一角，活泼可爱而且敢爱敢恨，相当讨观众欢心，而且比起以往的“甲组脚”，剧集中经常短裙仔现身的她，双腿明显纤瘦了很多。当然，仍有些网民嫌粗，但别忘记拍摄时间已是2017的事，现在的糖妹双脚比之《逆缘》中的Macy更幼细，她亦回复《香港01》说：“今年系瘦得最多最快嘅一年。”
【跑得有法！唔节食一样得】
对于有观众指糖妹双脚较以往幼细了，糖妹显得很兴奋：“大家终于留意到喇！跑步系有用架。”单单跑步就能将“萝卜脚”变“筷子脚”？相信这是很多女士都想知道的事，因此糖妹很乐意公开她的瘦脚方法：“一有时间我就跑，朝早起身未食早餐就去跑，唔使怕空肚跑步会晕𠮶啲，因为咁先可以真正消耗到你本身嘅热量同脂肪。如果你食完早餐先跑，咁你消耗嘅只系啱啱吸收咗嘅早餐，呢个系我睇书睇返嚟，觉得系几适合我嘅方法啰。”
跑，不是换件衫著对鞋，落到街或者找部跑步机就随意跑，糖妹更指要跑得有法：“我每次跑一般都系维持30至40分钟左右，如果选择跑步机，我就会一分钟快步行，然后一分钟极限丧跑，再一分钟快步行咁轮替啰。同埋如果我今次跑步机选举11呢个跑速，下次就选择跑速12，再唔系就增加斜度，总之就逐步增加自己嘅难度，咁先可以keep住进步，跑街都一样要自己调节速度。”
饮食方面呢？需要节食、吃得清淡吗？“喺屋企嘅话会稍为清啲啲啰，都系食下糙米同菜咁样，不过大家都知我好钟意食嘢，所以其他时候我系唔理照食，我系为食而做运动。”
【除咗瘦，线条同样重要，但切忌急功近利】
运动方面除了跑步，其实糖妹更会不时健身，目的是想令全身的线条更好看！“重量唔重要，次数都系其次，最紧要做gym时动作正确，我以前就系唔识得收腹，所以出嚟效果麻麻，又搞到膝头、小腿受压。而家我识得收腹就好好多，特别系今年瘦得最快，因为经过多年运动以及调整，我终于揾到最适合自己嘅方法。同埋呢，做gym可以清楚分返开臀部同腿部嘅线条，即系唔会臀部同腿部融合成一嚿嘢，咁样唔好睇，咁当然我都仲系有待改善啦。”
最后，糖妹建议大家有心减，一定要慢慢嚟唔好急，因为佢自己经过“甲组脚”洗礼后，都用咗好多年先有今日嘅“成绩”，而自动自觉去揾教练协助就更加系呢两年嘅事，皆因：“曾经有人同我讲，一日有1440分钟，点解你唔肯花短短40分钟喺自己身上投资自己呢？于是我‘叮’一声，又系㖞！”各位兄弟姊妹们，大家又听到“叮”一声未呢？
【逆缘】陈山聪辣手摧残糖妹 贾绰真心爱Macy：为批金冲昏头脑