【热血街舞团】陈伟霆鸡冠头现身惊艳全场 网友：向谢霆锋致敬？
撰文： 洪晓璇
出版：更新：
潮流从来都系一个循环，无论系衣著发型都系一样，只要你快人一步就会成为潮人。谢霆锋1月喺台湾颁奖礼担嘉宾，劲ROCK弹结他都不及佢嘅鸡冠头咁抢眼，01年出席叱咤颁奖礼咪系以呢个LOOK示人啰﹗唔知系咪见效果好够出众呢，同门师弟陈伟霆于内地节目《热血街舞团》，最新一集都以鸡冠头亮相，跳舞都闻风不动，好硬净㖞。
陈伟霆霸气做《热血街舞团》导师：街舞是我坚定不移的初心【热血街舞团】鹿晗跳得最好优先“拣卒” 陈伟霆输咗即刻掩面
《热血街舞团》由陈伟霆、鹿晗、王嘉尔和宋茜四位跳得之人担任“热血召集人”。William北上发展后一直拍戏为主，但大家唔好忘记佢系跳唱歌手出身，佢对跳舞嘅𠮶份执著同享受，真系用钱都未必买得到。第一集播出时已经见到佢嘅发色由粉红变做银白，最新一集又为大家带来惊喜，以鸡冠头示人，同霆锋年初造型真系好似呀﹗当时霆锋就拍片话俾大家知，自己用熨斗set头，难怪呢日都有网友笑言：“是否谢霆锋帮你熨的？”