【果栏中的江湖大嫂】硬加强奸戏剧情好牵强　冯盈盈好彩逃出魔爪

无线剧集《果栏中的江湖大嫂》昨晚播出一集的戏肉当然是小狼女 (冯盈盈饰) 被Kent (李天翔饰) 强奸的一幕。TVB一向好钟意在剧中安排呢类强奸的情节，今次呢套是冯盈盈首套主演的剧集，估唔到就安排场咁激的戏给她，要她处女作就被强奸。有网民甚至在昨晚那集播出前已经开定Post讨论，事前FYY又喺ig造势，大家昨晚坐定定，等睇呢一幕，真系心情好矛盾，真系唔想睇到小狼女被奸。未知是否TVB都好明白观众的心意，所以昨晚场强奸戏变成险奸戏，亦即是没有发生。。

虽然霸王硬上弓唔得，但个理由会唔会儿戏咗同牵强咗呢，明明Kent话咗要强奸小狼女，已经将她按在台上仲撕破了她的上衣，小狼女亦都好痛苦咁挣扎，点知葡挞 (许家杰饰) 被Kent的同党爆樽之后，Kent就即刻放晒手唔强奸小狼女了。有冇搅错呀？之前两条跟班都打到葡挞死咁滞，你仲色心起，点会见到佢俾人爆樽就突然兽性大减呢？断估唔会因为Kent准备强奸小狼女之前是同葡挞讲过：“你想保护佢吖嘛，我就做场好戏畀你睇！”，之后见佢晕咗，所以唔驶再做呢场好戏呢？唔系话期待睇呢类戏，电视程度有几大心中有数，但都起码合理少少啰。

据悉，当日有份拍摄这一场戏的TVB演员对于剧情如此发展，都觉得愕然，因为整件事变得不连贯，明明李天翔已经撕烂了冯盈盈件衫，却竟然因为许家杰被爆樽就放过冯盈盈，两件事根本不存在直接的因果关系，剧情因而变得奇怪。有指TVB其实并不想有强奸场面，但又想不到用甚么理由令原本想要强奸冯盈盈的李天翔突然煞制收手，所以就用一个咁牵强的原因来了事算数。