【王牌对王牌】张栢芝行catwalk惊艳全场　刘嘉玲用梁朝伟保驾

《王牌对王牌》呢个王牌综艺真人骚，经常都可以邀请到大卡明星上节目玩游戏，最新一集就有红透两岸三地，整个华人界无咩人唔识嘅女星，佢哋分别就系fit爆辣妈张栢芝，以及不老女皇刘嘉玲！

有呢两位神台级美女嘉宾坐镇，一开始就嚟个catwalk展示吓风采，足以令人拍案叫绝，因为𠮶股气场同魅力坚系唔讲得笑！而且一个37岁仲系两子之母，另一个就已经52岁，但行出嚟仲系睇到人哗哗声，真系唔到人唔服。

节目中有个环节要嘉宾们各自讲自己“能人所不能”嘅事，嘉玲姐嘅例子就威喇，讲亲出嚟都无人能及，个个听到自愧不如，好似系：“我曾经跟林青霞、王菲、张国荣打过麻将”、“我有一个拿奖无数的影帝老公”。屈机得令嘉宾唯有话：“这个拚不过你，太毒了。”

至于张栢芝所讲嘅例子，就绝对听得出佢以前系一个几咁敬业嘅演员：“我连续睡十六天没有醒过来，没睡醒但还活著，不是生病只是太累了，所以我的家人要定时帮我贴面膜，给我喂水。”对此，有人不忘说笑调侃：“你的冬季那么短？”张栢芝续说：“我吊钢丝吊了十多个小时，一直在上面。工作人员要放饭，但我怕他们把我放下来之后又要重新再穿会辛苦，我就叫他们给我一个饭盒在上面吃。然后徐克导演就跳拍到另一个没有我的戏去，所以我就一直在上面很多个小时。”听完之后不得不佩服佢嘅敬业乐业。

张栢芝随后更喺节目中展示30秒极速换装行天桥，外表身材仲系想挡都挡唔住。