《翻生武林》穿崩　大大个坑渠盖长时间出现画面中央

昨晚一集《翻生武林》中，有位“人兄”好抢镜，虽然一句对白都无，但佢嘅企位比之剧中萧正楠、陈凯琳、简慕华等重要角色，企得更加突出、更加正中，令观众不自觉将目光停留喺佢身上，就连站在城楼上除裤验明正身、露出美腿嘅黄智贤亦被比下去、被该位“人兄”抢晒风头！讲咁耐都未正式介绍呢位“大人物”，它就系渠盖！

剧集穿崩少不免，无线剧集穿崩更加系见惯不怪，相信大家随时都讲得出几个例子，诸如：古代剧《食为奴》中张继聪身后出现货van、《帝女花》中陈豪一句“同朕再check下”等等。

【翻生武林】关梓阳处男剧 24岁新人为拍剧决定暴增磅

【翻生武林】TVB武侠片无进步？ 姜大卫：而家同拍电影差唔多

今次《翻生武林》出现穿崩真系毫不意外，亦唔会系例外，继早前有网民疑惑点解明朝会有厚切三文鱼腩，昨晚就大大个渠盖得正正喺画面正中央，令𠮶幕情节睇落相当突兀。但大家唔好忘记，此剧剧情好多暗示、隐喻、讽刺、影射，又“盟主选举”、又“蛇斋饼粽”、又“和平理性非暴力”等等等等。张汉斌都解释咗系导演将剧本“生猪肉”改为“鱼生”啦，所以今次渠盖有咁重戏份，一定系有啲嘢想话俾大家知，除非唔系，

戏中的男主角萧正楠在回复《香港01》时表示：“系咩？好眼力㖞网友们，其实佢哋有所不知喇，其实渠盖喺明朝已经有，有几年百历史㗎喇。真系呢…戏就无人睇，睇渠盖…其实𠮶场戏𠮶重点阿Ben（黄智贤），系佢呢个无盖嘅渠，唔系地下𠮶个有盖嘅渠。”