【波士早晨】李佳芯破天荒著三点式拍剧　原来私底下劲保守

上星期大家就睇完《平安谷之诡谷传说》之后，剧情好彩都未算太烂，虽然都系TVB最常见嘅happy ending，但都几新鲜因为由BBQ变咗烧炮仗做大结局。至于今晚就有拍完三年先出街嘅《波士早晨》，最令人引颈以待嘅就一定系时隔一个月又有佳芯BB睇喇！今次Ali系剧中饰演嘅Roxie姚洛施系一名“放电秘书王”，因为其美貌在工作上当然系如鱼得水，但性格就夸张造作兼妒忌心重。我相信剧集最有睇头一定系佳芯BB首次著三点式示人呀，仲有片有真相！btw说好的禁色令呢？！

相关文章：

《波士早晨》终于出街　李佳芯唔怕再见3年前旧样：担心太幼嫩

【波士早晨】陈慧珊被飞出宣传海报　黄智贤：剧中Flora仍有戏份

剧中Ali在工作上会以美色做武器，仲利用男人为踏脚石，一步步向上爬。由于佢嘅上司系最帮公司赚钱嘅人，Ali嘅地位因而坐大，风头一时无两，仲会用样貌及鞋踭尺寸去比喻秘书职位高低，简单啲嚟讲系一个“心机女”！另外，她为了讨好上司就同人夫洪永城发展唔见得光嘅恋情，好可惜洪永城唔会俾任何承诺Ali，二人只系维持一段情欲关系。

其实前几年Ali受访时曾表示过在电视中，唔太想以泳衣示人，仲话如果接受到应该一早参加咗港姐。她其后亦透露私下绝少着比坚尼，去外国嘅时候影过一次，但强调自己因为唔想晒黑，所以游水都系着“阿婆”著𠮶啲一件头！所以今次粉丝要落足眼力喇！