专访｜冼靖峰比赛落败陷低潮全靠勇气脱困局 坦言谂过点解要入行
现年26岁的冼靖峰（Archie），是TVB歌唱选秀节目《声梦传奇》第一季的学员，最后获得第4名，于2022年以个人身份正式出道。在此之前，Archie曾于2019年参加ViuTV的选秀节目《全民造星II》，但可惜于48强被淘汰。他表示在这两个比赛之间的时间，个人非常迷惘，完全不知道下一步该怎么走，他接受《香港01》的专访，剖白他的心路历程。
10月时Archie推出新歌《勇气》，歌曲及词均由方皓玟包办，Archie表示当日在录完节目后谈起自己的音乐计划，得到方皓玟力撑，指自己可以帮他“做一首歌”。得到方皓玟加持后，Archie就开始为歌曲构思主题：“不如就关于心路历程啦首歌！”于是就有了《勇气》，因为他从《全民造星II》比赛落败到再参加《声梦传奇》，当中少不了“勇气”。
Archie把自身的经历告诉了方皓玟，当时方皓玟建议他：“其实可以用勇气呢个题材去包装成件事，我自己都冇realize过，其实由入行前到入行呢3年几，一路以嚟每遇到一个困难，每遇到一个挑战，其实就系用勇气去跨过。”
至于Archie入行后经历了什么？
他不禁叹了一声气说：“经历咗好多！我回望返由《声梦传奇》经历咗个比赛，个比赛已经好唔简单我觉得！”3年内多个身份的转变，令到他啧啧称奇：“声梦传奇我只系一个唱歌嘅人，入到嚟我冇谂过会做到一个歌手。我冇谂过会出新歌，我冇谂过之后会再演戏，冇谂过会做主持，冇谂过会跳埋舞。”Archie没想过会因为一个比赛而改变了他的人生，在参加比赛之前他只是银行MT（Management Trainee，管理培训生），但参加比赛后成为了一位歌手：“人生嘅一个转捩点就系，完全变咗系另外一种人生。因为我以前我只系一个返工嘅，喺银行嘅一个MT，我系冇谂过原来玩咗个比赛之后我会有咁多嘅experience。”
在《声梦传奇》之前Archie曾参加《全民造星II》，但当时落败离开，一开始他是抱著什么心态去参加？
Archie表示是“勇气”：“就系一个勇气！每一个比赛都系，无论系大学嘅时候，我中学同埋大学𠮶啲联校歌唱比赛，其实都系抱住一份勇气。去到玩《全民造星II》都系抱住一份勇气，去到《声梦传奇》都系抱住一份勇气，就算去到超星团，每一个比赛每一个选手比赛都系一个勇气。”
落败离开后再到回来再次参加比赛，Archie经历了什么，之后有什么改变及进步？
Archie表示当时离开《全民造星II》后经历了一段低潮期：“即系觉得其实我争啲乜嘢呢？唱歌？样貌？身材？又或者甚至系我心态上，其实我系咪争啲乜嘢？”之后Archie为了再次登上舞台又做了什么改变？他二话不说去减肥：“最简单嘅身材上嘅嘢就系减肥啦，第二就系开始care多啲发型上啊样貌上嘅嘢啊，即系执靓仔少少啲自己啦！咁跟住唱歌方面真系开始揾老师去真系学啦！”而这段时期他大约是经过了一年多的时间：“当时我应该系year 3即系21岁到，咁人生仲有好长嘅时间，我都冇谂过5年之后去到今日26岁，我就系会喺呢个地方做紧呢一样嘢。”
至于怎样走出这一个低潮期，Archie表示是有一个好朋友帮他渡过这个时期：“佢系帮助我好多，即系佢中间佢闹我又好啦，氹我又好啦，安慰我又好啦，陪我去写下歌啦，陪我去夹下band啦都有，咁佢中间好多嘢唔系单一嘅事件帮我走出呢一个低迷嘅时期。”今时今日Archie走出了这个低潮，都不忘好友，他指在《勇气》的MV中亦有邀请好友客串：“所以当我谂起《勇气》呢首歌呢个MV要有嘅元素嘅时候，我第一个就谂起我想摆呢个人喺个MV入面！其实呢个人对于我嚟讲好重要，即系我做完呢个作品之后我睇返个MV，我会觉得呢个人嘅存在系好紧要喺我生命入面！”
Archie坦言参加《声梦传奇》的时候面对不少的压力，站上那个很“宏伟”的舞台，再加上有25个评判围著自己，在台上唱歌的时候“好压抑”。但Archie表示没想过要舒缓压力：“我觉得压力系keep me improving，即系系帮我继续一路进步。”Archie指压力虽大，但就未到“爆煲”的阶段，他表示自己压力爆煲时可以“成桶炸鸡食晒佢”。
Archie为了保持现在的身材，可以说得上“下过苦功”，有努力地忍口不乱吃东西：“唔开心有㗎！但都有开心嘅地方，唔开心嘅地方就系冇得食啰，食嘢系我一个好大嘅快乐泉源！”虽然不能吃东西会令他不开心，但另一方面他觉得自己健康多了：“因为我细个其实都食好多嘢啦，咁所以个身体状态一定首先冇咁轻盈，咁所有嘢都会挺笨拙，成日打烂嘢啦，成日撞到嘢啦，即系个人系好笨拙啰，咁而家真系比较轻身咗。”他更因为这个原因而学到了不少营养学资讯。
Archie面对海量负评自己又如何消化？
原来Archie他挺喜欢看评语，也会看评语会否有建设性，他喜欢大家直接告知他唱得如何，“呢个音点，觉得𠮶个拍子点，𠮶一下高音好似几银耳咁样”。之后到超星团时亦有不少的负评是指他跳舞生硬：“跳舞由零开始，冇一个人系话跳嘅一开始嘅嘢系得嘅，个个都话好难睇，我自己睇返我都唔敢睇！”他指大家看著他跳舞由负分盟开始到现在，他亦坦言自己记舞步的速度“真系好慢”：“跳舞嘅step唔系单止用个脑去记，系用手脚都要记。我muscle memory好似都比一般人差啩，所以我feel到比以前系好咗，但系仲有一个long way to go。”Archie不是从小就学舞蹈，而是一年前参加《亚洲超星团》开始。
Archie坦诚一入行的时候是没想过要跳舞，“因为我觉得我系唱歌㗎嘛，咁我冇谂过自己会跳唱啦，因为唱歌都未真系话唱得好好，咁仲要加埋跳舞系有机会炒晒㗎，两边又跳唔到又唱唔到”，直至到参加《亚洲超星团》才觉得跳舞不是单一跳舞般简单，而是个人的“stage presence”（舞台魅力），这样才是他认为自己目前最需要学的东西：“跳舞steps系可以帮到你增加个舞台嘅魅力，点样可以融会贯通到跳舞加唱歌，令到你个人喺舞台嘅魅力更加强，反而系我目前觉得最需要学嘅嘢。”
Archie在《亚洲超星团》时看得多就学得多，当中看到导师Rain展示的舞台魅力，继而从中学习，“唔系真系一个动作咁学翻嚟嘅呢一样嘢”。在《声梦传奇》中他学到的是怎样去唱好一首歌，而在《亚洲超星团》中则学到舞台魅力。
去年参加《亚洲超星团》时，每次跳舞都不断被骂，Archie有没有一刻“负面咗”？
但Archie就觉得被骂很正常，“唔得就闹㗎啦”。他明白大家都是看结果，你在过程中有多辛苦都没有人理会：“我唔会知你秘密练咗几耐，但系我见到你跳成咁，我就觉得你唔得啰，唔得我就闹你㗎啦！”而他亦收过不少人骂他跳得差，但这些负评反面令他推进得正面向前，更要学好跳舞来“争一口气”。
入行后经历了不少高高低低，Archie有没有一刻觉得自己“点解要入行”？
Archie坦言的确有想过，“我一定有谂过点解自己要入行”，当年他参与比赛时，一心只想有一个舞台让自己表演。他一步又一步的愈踏愈前，由“一厂”的舞台再到《亚洲超星团》的舞台，他希望之后可以再上更大的舞台。
至于有否后悔参加比赛，他则表示“冇后悔”：“反而系我好庆幸自己玩咗呢啲比赛，因为系令到我嘅生命更加多唔同嘅颜色，真系颜色唔一定只系得黑同埋白，我真系好坦白讲以前嘅世界，我返工真系比较乏味。咁所以我会形容入咗呢行业之后，跟住我系多咗好多唔同嘅色彩。”
而Archie今次的新歌《勇气》就讲到他以上的经历，有高亦有低，但歌词当中哪一句是让他觉得最特别？
Archie指是“也要将包袱永远抛低”，而这一句亦是小明特地为他而写，他提到小明向他说要把自己的“偶包”抛下：“其实要识得将啲包袱放低，你先可以真真正正接受到前面嘅路。如果唔系身上嘅负担越来越重嘅时候，重到真系只眼都望唔到前面嘅路系咩嘅时候，你就行唔到落去。”Archie觉得有偶包并不是一件坏事，因为“包袱”与压力的存在一样，都可以推进到自己向前，“促使你keep住要去成长”。
新歌《勇气》是讲述Archie入行的经历，但入行后他有否经历失败，他直认“有”：“但系失败系正，因为有失败你先知道自己有啲咩唔得！成功咗反而冇想像之中咁正。”当中他提到自己失败的事有很多，而最深刻的就是当中的心态：“我唔系好care我自己喺个舞台上面，我净系care我唱成点！”他更指当时的表演真的“唔好睇”，因为欠缺舞台魅力，但他当时竟然觉得“ok”，所以心态上最失败。
入行后Archie的启蒙老师到底是谁，令到他有这样的一个心态上的转变：“我可以好肯定讲，启蒙老师就系Kent哥（郑则仕）。”二人在拍《神耆小子》时认识，而郑则仕在拍剧空档时为他上了人生富贵的一课，“佢就系一路分享紧佢自己人生经历，佢嘅人生经验，佢就系想话畀我听，有啲咩地雷唔好踩，有啲咩要做。要趁你后生你要开始去开发，你要勤力做啲乜嘢，唔好行错边条路，唔好浪费自己嘅努力。”而郑则仕到今时今日仍然有留意Archie的所有，亦有给予他不少有用的意见。
Archie被问到郑则仕有没有说过一句令他很感动的说话，他觉得不是一句话，对他而言是一支“强心针”，他曾经问过郑则仕自己是否适合继续在演艺圈发展。而郑则仕回应他的是“你可以”：“佢同我讲你可以，信我啊！阿仔你可以，你会得。”就是这一句说话让Archie充满力量去面对所有的困难。