【任噏乱评】其实睇完131个参选港姐　已经知边几个系三甲人选

昨日参选港姐的131位女士终于同晒大家见面，正所谓咸鱼青菜各有所爱，相信大家都会有自己的心水选择。不过话明系“香港小姐”，选得出嚟就要代表香港，咁个评审准则一定系大众化，所以有啲小众口味嘅女士其实应该都无乜希望喇。又要讲多次，话明系“香港小姐”，选得出嚟就要代表香港，虽则杜之克就话：“参选得港姐真系要有香港身份证先得。”但唔系拎住张香港身份证就真系完全香港人啫，唔系话要种族歧视，不过你好难选一个鬼妹样做香港小姐㗎嘛，睇落去都无说服力喇系咪？

其实撇除以上所讲嘅因素之后，剩返落嚟可以入围嘅人实在唔多，港姐要求嘅系美貌与智慧并重，由于暂时都仲未可以睇到佢地有咩智慧，所以唯有将智慧同学历挂住钩先。咁系咪有学历就等于好呢？杜生话参选人的学历愈来愈高，净系硕士学历都有十分一，但系而家唔系选紧香港博士㖞。你睇吓林作喺FB放咗佢个律师朋友出嚟，话连续三届都有律师朋友参选，证明高学历嘅人投身幕前，睇怕已成趋势。以而家咁嘅情况，已经拣咗最终能够入选12强嘅名单喇。Elsie Chan、Regina Ho、Aris Chiu、Nicole Wu、Boanne Cheung、Jennifer、Kelly Ng、Lily So、屈丽丽、Ashley、梁雯蔚和Kristy Chung，睇名其实无意思，睇图啦！

睇吓边12位可以入到12强？

至于去到三甲名单，除咗样之外又要计埋学历，随时要睇埋人事关系。至于人事关系点样得嚟？好简单啫，大热嘅参选者基本上都一定系回流生，所以又可以将个范围收窄。23岁嘅Elsie Chan，喺美国嘅大学毕业，睇佢IG已经成日同啲明星合照，又可以出席慧妍雅集嘅晚会，咩系慧妍雅集？呢个组织系集合历届香港小姐得奖者同埋参赛者嘅慈善组织，佢咁快已经可以打到入去，证明真系叻女，有学历、有样，三甲必入！第二个系23岁嘅Nicole Wu，样子清丽脱俗，睇佢IG就知佢经常飞嚟飞去。就读美国大学UCI(University of California, Irvine)，QS排名百几，唔算好劲，不过都算系一级大学。刚刚毕业就返嚟香港选港姐，相信都有番一定嘅信心。

快啲睇吓Elsie Chan嘅靓相。

紧系要睇埋Nicole Wu喇。

第三个系24岁嘅Kelly Ng，佢最杀食嘅就系混血儿咁嘅样，同上一届港姐亚军刘颖旋简直系同一个Type。佢喺加拿大回流返嚟香港，而家做紧HR，睇佢IG都系旅行相多，仲有睇得出佢有一副甜美的样子，一笑就可以倾城𠮶种，三甲一定要预埋佢！其实仲有一个黑马人物不得不睇，佢无论样貌、学历同埋关系都完全可以成为冠军份子，佢就系Boanne Cheung。其实就系上届港姐友谊小姐得主张宝儿的妹妹，样子得意甜美，学历同家姊一样都系英国伦敦大学毕业，加埋家姊已入行接近一年，人事关系点都会有返啲。咁点解唔将佢列入三甲名单呢？鬼咩，佢同家姊饼印倒模咁嘅样，各方面条件又差唔多，上年家姊都系得友谊小姐，惊佢破唔到呢个魔咒呀！

以下轮到Kelly Ng出场！

由于Boanne Instagram private咗，唯有睇住当日嘅相先！