【难兄难弟20周年】罗嘉良张可颐真青春　歌曲超洗脑出埋原声大碟

1997年，相距至今足足20年。讲起当年，你又知唔知20年前自己做过乜？当时仲系好鼎盛嘅TVB，播紧咩剧？做紧咩卡通片？可能真系要谂一大轮，上埋Google先知发生咩事。不过呢，过多两日原来就系《难兄难弟》20周年！这套剧是TVB一直以来少有的歌舞青春剧，虽然讲紧60、70年代香港娱乐圈的盛况，但剧集以轻松幽默的表现，又有剧情又有歌听，一出街极受观众欢迎，精彩程度直逼同样有歌舞元素嘅《La La Land》同《High School Musical》！而且四大男女主角罗嘉良、吴镇宇、宣萱与张可颐当年只系廿几三十岁，是TVB的当家小生花旦，睇住佢哋跳舞唱歌嘅经典场面，真系好怀念呀！TVB眼见《难兄难弟》如此收得，收视有成34点，即刻食住上，开拍了《难兄难弟之神探吕奇》。

当年呢套剧集成为1997年TVB的最佳剧集。除此之外，这套剧改编及演绎了多首经典好歌，例如《莫负青春》、《情花开》，还有改编《唐山大兄》的《奇哥》，以及《榴梿飘香》变成《蝶儿双双》，首首歌都瑯瑯上口，歌词易记。尤其是主题曲《难兄难弟》，事隔20年，相信好多人都仲记得“ Ah......青春，总失去莫名；Ah......只想，情谊能共永～”当年TVB见反应咁好，仲食住上出埋原声大碟㖭！呢种做法真系几少有。不过可惜的是，20年后实在太难看回这种阵容、剧情再现TVB，皆因主角个个都离开TVB往外闯，宣萱与张可颐都被传不和十多年，再见不是朋友。如果观众真系想再亲眼见到，可能要买返套DVD，或者上网睇返了。但系唔好灰心，想重温之前，都可以听返几首经典歌回味下。

原声大碟曲目：

01. 难兄难弟（主题曲） – 罗嘉良 吴镇宇 张可颐 宣萱
02. 望两望、笑一笑 – 罗嘉良 张可颐 
03. 蝶儿双双 – 罗嘉良 吴镇宇 张可颐 宣萱 
04. 心相印 – 吴镇宇 宣萱 
05. 莫负青春 – 张可颐 宣萱 
06. 姑娘十八似花娇（搞笑版） – 吴镇宇 宣萱
07. 姑娘十八似花娇（正常版） – 罗嘉良 宣萱
08. 情花开 – 罗嘉良 宣萱 
09. 奇哥 – 罗嘉良 张可颐
10. 谁更重要 – 罗嘉良

《蝶儿双双》

《莫负青春》

《心相印》

《姑娘十八似花娇》