张致恒儿子确诊自闭兼过度活跃症　雯雯压力爆煲：觉得有精神问题

张致恒（Steven）与老婆区燕雯 (雯雯) 奉子成婚四年抱四，近年因为财困等家庭纠纷多次登上娱乐版，再多问题都有用心照顾4名儿子。雯雯2月27日凌晨在IG STORY留下长文，自爆其中一名儿子确诊自闭兼过度活跃症。

一开首雯雯即以“2024一开始就已经好不幸”为题，两名亲人患癌，又有两只爱犬身体出现多项问题，“再有一个小朋友确诊autism plus hyperactivity。”令她身心俱疲。“坦白讲照顾呢类小朋友，无论系身心情绪都系好大嘅学习，我一个人真系冇能力，同一时间可以照顾到四个小朋友应该话可以照顾到，但系会有一定嘅危险。最近小朋友先跌爆咗只耳仔，医生同我哋讲呢类小朋友一年起码会去几次急症室，要有心理准备，而（依）家每一日面对佢嘅行为情绪都系一个好大嘅挑战。同时因为屋企其他嘅小朋友仲好细，亦都会受到影响，我哋亦都要好努力学习点样可以得到一个平衡。”

回想去年雯雯坦言压力几近爆煲：“连我自己都觉得我自己有精神问题，经常性会出现一个恶魔叫我带埋小朋友离开呢个世界，就可以得到解脱。发生咗咁多事，好现实，咁话俾自己知两夫妻已经唔系两个人嘅事，要照顾好佢哋一定要两个齐心，冇咗是但一个根本系冇可能做到。呢段时间我好多谢stevencheung都不断学习点样照顾好小朋友，亦都实实在在多谢你同我一齐面对全世界嘅责骂（话我哋只系识借钱，又唔自己出去做嘢）。当中嘅难处，只要我哋先会明白。我哋唯一嘅共识就系做多两份工，请一个姐姐去帮手。好庆幸仲有唔够两个月时间，姐姐嚟到我哋就可以重生，终于可以靠自己唔需要再求别人嘅帮忙。”

关关难过关关过，工人姐姐尚要2个月才能到埗，雯雯为了4名儿子3只爱犬，努力咬紧牙关期待有好转的一天：“发生两只爱犬嘅事，亦都令我醒觉，其实生活静静地平凡安稳就足够。自己嘅情绪自己知道就足够，如果能够过到依两个月，我希望同自己嘅家人能够揾一个地方静静地渡过，远离呢个公开又复杂嘅地方。”