李龙基将王青霞谂歪咗揽上身：佢尽力希望留喺我身边多一分多一秒

艺人李龙基未婚妻王青霞（Chris）因涉嫌两度违反逗留条件以及有关两间学府的虚假文书等合共6宗罪，现在大榄惩教所还柙中。爱妻心切的李龙基，今晨（21日）乘坐高铁急返港赶往惩教所探望，他透露Chris目前状态不错，相信对方经次教训后会重新做人，不会再犯错，更Man爆在惩教所外想未婚妻发表爱的宣言。

对于Chris本人曾称透过优才计划来港，但现在又被控告违反逗留条件。李龙基对此表示：“佢真系有申请过优才，佢系有嘅，佢点解申请优才呢？我自己估架咋，未必系真。”他续说：“因为我好记得2019年4月1日佢喺美国返到嚟，我就一路叫佢，7日上落，上一上深圳就返嚟，当时系完全冇问题，佢返深圳兜个圈就返落嚟，跟住我哋仲去泰国、澳门玩，仲去帕劳潜水，完全冇问题的。”

不过李龙基变化在于疫情开始：“呢个只系我估，未必系真。疫情开始之后就死火了，佢上去14日，落返嚟又14日，咁佢就谂歪咗了，佢就谂有咩方法可以逗留喺我身边，因为佢成日都系咁讲，即系我年纪都大啦，大吉利是讲句，我唔知听日咩事，分分钟听日或后日走咗都唔定，所以佢尽力希望留喺我身边，多一分多一秒都好，我觉得就系呢个原因就会谂埋晒啲旁门左道，间接之中，可能都系我累咗佢都唔定。”

未婚妻突然可以频密上落不觉得奇怪？李龙基称当时也没有特别问对方，Chris只是跟他说申请了优才，现有有更多的逗留时间，“我都信佢的，我见佢咁耐都冇上去（内地），其实我都催佢话妳使唔使上去兜一兜个再落嚟，佢话唔使啦、得架啦，咁我咪一直信佢，直到而家搞出个大头佛。”