姚焯菲推个人服装品牌否认抄袭淘宝：我光明正大，行得正企得正

姚焯菲（Chantel）今晚（24/1）现身西环屈地街车厂出席《电车派对》。她受访时表示：“今次系我第一次开呢个电车派对，好开心Fans Club帮我准备咗一架应援嘅电车，就系喺部电车上摆放咗首新歌《初心小岛》为我宣传造势。首歌同部电车嘅关联就系呢度啦。（几时要返纽西兰读书？）过两日我又要走，好唔舍得。不过今次返嚟系好满足，因为做咗好多嘢。（会唔会做嘢做到心散，冇心机读书？）咁又唔会，因为我系𠮶啲一段时间冇做到嘅嘢，我系会好专心去做返之前未做晒嘅嘢。”

对于早前被指个人服装品牌与淘宝撞款，被网民质疑抄袭。Chantel表示：“其实𠮶个系为做慈善而推出嘅，只系限定3日时间，我系冇赚钱。我系将所有卖到嘅钱捐晒畀慈善机构。（点解唔继续做落去？）因为首先呢个系攞经验，而我系冇谂过去赚钱，我觉得而家系要专心读书先，将所有精神摆喺读书度，呢啲就当经验。（话你抄袭淘宝，会唔会打击到你？）咁又唔会，我唔系喺淘宝抄就得。同埋真系咁啱得咁跷撞款啫。因为我喺好多地方攞灵感，但就真系冇喺淘宝攞过，我光明正大，唔紧要，我行得正企得正，等毕咗业先再返嚟搞过。”

点撃睇多啲姚焯菲《电车派对》嘅靓相：