万千星辉2023｜李佳芯亲爆疑“被缺席”真相　14字回应

TVB《万千星辉颁奖典礼2023》日前圆满落幕，当晚有份被提名入围的艺人都几乎现出席，但仍有约在身的李佳芯 (Ali) 即使有2项提名在身，却不见踪影。由于《万千星辉颁奖典礼》会在内地播出，有传Ali仍未获内地“解封”，故未能安排她到场参与盛事。

李佳芯 (Ali) 今日（16/1）现身观塘出席活动，就事件接受《香港01》访问时说：“多谢大家关心。其实我原本谂住出席，但因为之前我系有少少咳，流感系有啲犀利嘅，因为过几日就要嚟呢度，咁我就喺度谂，始终都咁多人，最终决定唔出席。我谂住唔觉眼，点知原来咁觉眼嘅。（有通知公司？）后尾我系有通知话我唔舒服出席唔到。（网民担心你‘被缺席’，喺网上寻人！）其实我出唔出席都会有好多揣测。而我个人唔喺度，我都有留意边个得奖，因为我好戥啲同事开心。（网民睇你攞奖会开心啲！）攞奖呢啲系要睇天时地理，唔系咁容易。（又传你就约满，唔续约！）其实所有约都好简单，约还约。本身约仲系有时间，大家都一直都有倾紧啲方案，因为对上一次倾都系上年嘅事，我谂嚟紧下一次倾睇吓会唔会有啲嘢系倾到，始终都系合作嚟，唔系只系单方，大家都想ok，大家都想继续，系双方先得。（新年会唔会去旅行散心？）哈哈，唔需要散心，我去行街都可以。”