谭玉瑛任比赛评审 自爆拍儿童节目唔怕小朋友烦：我唔系好睬佢哋
撰文： 吴子生
出版：更新：
谭玉瑛今日（13/1）现身尖沙咀出席慈善演艺比赛。谭玉瑛受访时表示看见一班小朋友表演比赛，想起旧时主持无线儿童节目《430穿梭机》的回忆片段...
她说：“今日有一种温馨嘅感觉，同埋讲真以前同而家做系有好大分别，因为以前嘅小朋友同而家嘅小朋友好唔同，以前如果有评审嘅时候，面对啲参赛者，佢哋大多数都系学校又或者家长觉得佢哋有潜质，所以要佢哋嚟参加，好多时佢哋都觉得自己系好得，点知佢哋输咗就会喊。”
谭玉瑛续说：“相反而家啲小朋友就好犀利，佢哋系会主动参加，对赢输睇得唔重要，因为家长同老师对佢哋期望冇咁高，变咗佢哋就冇压力，所以而家我见到个情况好健康。（而家见到小朋友会唔会头到晕埋？）其实以前我都唔会嘅，因为我唔系好睬佢哋，我嘅意思系指自己唔系一见到小朋友就会即刻锡佢同抱，同埋同佢倾偈𠮶种人。”