郑嘉颖为“嘥时间”言论解画　抱歉为马国明增添烦恼

郑嘉颖早前以凑仔为由及发表“嘥时间”言论，解释缺席马国明海外婚礼，令两人传不和。郑嘉颖今日（14日）与网球港将王康杰现身网球活动时，对于有关传闻作出回应：“我系无讲过嘥字，因为嘥系浪费，我都唔够时间又点嘥呢？咁所以我都估唔到当日做嘅回应会出咗咁多想像唔到嘅版本，我都有同马明讲唔好意思，我仲见到佢帮我澄清，结过婚都知好多琐碎嘢，佢仲要出嚟帮我澄清，我增添咗佢好多烦恼。”

郑嘉颖表示自己因为讲嘢太简洁又欠缺解释，令马明增添烦恼而感到抱歉，他又指早在不和传闻出现前，已同马明解释未能出席婚礼，并之后会与对方食饭补祝。“因为我唔觉得需要同其他人解释嘛，系我哋两个人之间嘅事，我哋拆掂咗无谂过要同其他人解释。”郑嘉颖又谓已在改善说话嘅技巧，避免再被误会

问到如果分担照顾小朋友工作，他反问记者：“你有无小朋友？无呀，咁你迟啲咪知啰，其实攰就⋯⋯需要一定体力，我唔系话辛苦，但会唔会攰呢？一定会，因为佢哋体力系无限，但开心嘅。3个而家都系最需要人照顾嘅年纪，去到小学可能会free啲。”