郑嘉颖被传同马国明不和　8字亲揭缺席“铁马家族”真相句句有骨

早前唐诗咏在Instagram上戴了一张“铁马家族”的全家福，有眼利网民发现“大哥”郑嘉颖多次聚会不见踪影，有心水清的网民指郑嘉颖对上一次蒲头出席“铁马家族”饭局已是2021 年了，更指黄嘉乐大婚之日都不见人，惹起网民揣测郑嘉颖和马国明根本戏内戏外都闹不和。

郑嘉颖今日（30/11）现身尖沙咀出席颁奖礼，就事件接受《香港01》访问时表示：“我谂有家庭系一个原因，疫情又系一个原因，亦都去到人生某一个阶段都系一个原因，时间一日得24个钟头，你想点样去过，当到你去到唔同嘅阶段你就会明，你会觉得有啲嘢系会浪费时间时，浪费时间𠮶啲嘢你就会cut咗佢，咁所以你会用喺啲值得嘅地方。（本身你系咪钟意静？）我系钟意静，可能同我以前成长有好大关系，因为我系一个人自己大，家姐唔系同我一齐，所以我惯咗，唔怕孤独。反而我而家要适应热闹，热闹有热闹嘅开心，咁所以唔同阶段有唔同阶段嘅嘢。（咁其实就系睇吓同咩人去热闹啦！）无错啦，你就系讲到重点来。咁如果你想同𠮶啲人热闹咪去热闹，咪去做啰。”

对于被指同马明不和，嘉颖表示：“大家都识咗咁多年，有咩话唔啱啫，我谂熟嘅都会明白，唔同阶段去做唔同嘅嘢，咁佢去到呢个阶段，佢都会明，有啲嘢系要取舍。（马明结婚会唔会出席？）如果要离开一段时间，咁会有啲难搞啰。”