罗密欧与祝英台|古佩玲拣男友唔睇样 需符合呢4大条件:睇缘份

撰文: 林迅景
出版:更新:

无线(TVB)剧集《罗密欧与祝英台》进入第三周,剧情可以说是愈睇愈好睇。剧情终于讲到古佩玲(饰 年青版 祝英台 / 祝小妹)遇上李尔晨(饰 年青版 梁山伯/万事通),讲述陈茵媺(饰 祝英乔)与陈豪(饰 万事通)相识的经过,以及为何陈茵媺会喜欢上陈豪。

古佩玲和李尔晨真系好sweet。(《罗密欧与祝英台》剧照)

《罗密欧与祝英台》剧中古佩玲和李尔晨初恋故事甜蜜,原来古佩玲的初恋也相差无几。日前(29/10)古佩玲出席剧集宣传活动时,接受《香港01》访问,她表示拍摄时很紧张。她说:“拍𠮶时好紧张,因为拍回忆祝家𠮶日系个厂景嘅最后一日,然后就搞到我好紧张,因为我好惊会拍得唔够好,之后又最后一日唔会再有呢个景,所以压力都好大。”

古佩玲和李尔晨 饰演 年青版 陈茵媺和陈豪。(《罗密欧与祝英台》剧照)

饰演年青版陈茵媺:紧张到唔想谂呢个问题

她也表示,对于要饰演后生版的陈茵媺感到十分紧张。她说:“紧张到已经唔想谂呢个问题。因为佢哋两个咁劲又咁sweet,之后我都担心我同尔晨默契达唔到。拍𠮶时冇谂太多,导演话攞返我最纯真初恋个感觉(就得),佢话如果特登去谂件事,就唔系纯真初恋。佢话要谂返中学puppy love,点解会钟意呢个男仔𠮶种感觉,特别系有一part写日记,佢叫我谂返18岁拍拖嘅感觉。”

古佩玲透露16岁第一次拖手仔。(《罗密欧与祝英台》剧照)

古佩玲甜蜜的初恋故事:kiss嘅话应该系18岁

记者问道,现实中的古佩玲几岁拍拖,什么时候拖手仔?她想了一想就回答:“应该系16岁,然之后初恋应该系16,17岁识佢。其实同呢个角色有啲似,𠮶时系一见钟情!真系第一眼见到𠮶个人就觉得好有型呀!”初吻呢?她透露:“kiss嘅话,应该系18岁,系初恋。初恋都拍咗好几年,high school开始识,就系𠮶种感觉。(我同佢)系唔同学校,𠮶时喺多伦多,friend搭friend一齐出嚟食嘢咁样就识咗。”

古佩玲透露18岁第一次kiss。(《罗密欧与祝英台》剧照)

初恋系高大靓仔运动男仔

古佩玲的初恋男友是一个怎样的人?她又回答:“咩样呀?呢个问得好,唔...佢同尔晨(一样)咁高,好高!之后系同尔晨一样咁钟意运动,尔晨系打排球,佢就系蓝球,蓝球队。”两人怎样开始的?她回答:“第一次见佢(觉得)佢好靓仔啦,系冇任何表示,只系喺心里面觉得‘几有型,几靓仔’,之后我哋系后尾读大学,佢先开始追我。”

古佩玲学生look示意图。(IG@kellyyygu_)

古佩玲择偶唔睇样:口味呢啲会变㗎

她也透露,在“他”追求她之后观察了好一阵子才正式开始。她说:“都观察咗一排。如果计第一次识佢,都有4,5年。”记者表示,读者会有兴趣知道古佩玲的“口味”,她就笑言:“口味呢啲会变㗎,因为我系比较睇缘份。我系睇倾唔倾得埋,夹唔夹,我觉得三观比较重要。”如果想追求或正在追求古佩玲的朋友,就要加把劲啦!

+2
+8