罗密欧与祝英台｜爸爸陈豪被打女儿喊住睇 陈茵媺：用咗几日解释
《罗密欧与祝英台》播出10集，可以说是愈睇愈好睇。剧中饰演主角“隔世情人”梁山伯和祝英台的陈豪和陈茵媺自然功不可没。早前，黄碧莲接受《香港01》访问曾爆演出亲吻陈豪一幕时，他的太太陈茵媺站在mon后监场。陈茵媺今日（29/10）出席剧集宣传活动时，就透露了她和老公陈豪之间原来有个不为人知的习惯！
陈茵媺讲凑仔经
陈茵媺接受《香港01》访问时表示，自己采取自由政策照顾小朋友，即是让他们放胆去玩，放胆地去犯错。她说：“我钟意同小朋友玩，系因为想佢哋放松啲，同埋令佢哋知道妈咪、爹地同埋屋企系一个好安全嘅环境，可以好chill好relax，可以show到佢哋真实一面，even佢哋喊，我都想佢哋喺我面前喊，唔想佢匿埋喺房喊。想佢哋知道妈咪几时都支持你，就算系naughty妈咪都爱你。”
仔女系爸爸妈妈die-hard fans
仔女们有没有看《罗密欧与祝英台》？陈茵媺甜笑，说道：“有呀！佢哋而家变咗最大嘅fans。其实佢哋未试过睇我哋剧集，阿Mo（陈豪）都未试过，我嘅更加冇。首先剧集意识比较成熟，再加埋佢当时好细，所以我哋keep住都冇俾佢哋睇，同埋佢哋好早瞓，7点钟就瞓。”
爸爸陈豪被妈妈陈茵媺打 小女儿睇到喊
陈茵媺续说，因为《罗密欧与祝英台》是她淡出很久之后回归的第一套剧集，而且也是她和陈豪合演的剧集，加上小朋友也长大了，也能一边睇一边说明分辨真假。她说：“当然有啲比较暴力嘅场口都唔系几俾佢睇。佢哋好乖嘅，当我话有啲暴力嘅场口，佢哋都会走咗去，‘得未呀？可唔可以入返嚟？’咁样，哈哈。”
陈茵媺也表示，起初小女儿见到爸爸陈豪被妈妈开枪射中，也受到不少惊吓。她说：“初时阿女见到我射爸爸佢都好upset，之后见到有人打爸爸，佢又喊晒，佢未见过呢啲画面，佢就好惊，都用咗几日时间讲呢啲系扮出嚟。咁佢先有啲纾缓，而家睇佢就知唔系真嘅。我都同讲佢讲，做演员责任就系令观众感受到𠮶样嘢同埋气氛，所以你而家有呢个感觉系啱嘅。”
陈茵媺透露唔睇陈豪亲热戏
早前出现黄碧莲亲吻陈豪一幕，陈茵媺也表示没有让小朋友们收睇，更大爆：“呢个冇睇，我连自己都冇睇，哈哈哈。呢个就好难解释啦，我会讲：‘呢个唔系爸爸，而系角色。’”她直言小朋友长成后，也未必会让他们观看，说道：“你谂吓阿Mo拍咗好多套剧集，我直到而家都冇睇佢钖任何人。I mean如果我睇完一定会有少少唔舒服㗎，at the same time我都明白系剧情需要，我都唔想畀压力对方，to be honest，到我拍嘅时候有亲密镜头，我都唔希望老公畀压力我，咁样我会做得唔好，所以我就觉得大家都唔好睇。”