吴慷仁遇香港粉丝用半裸剧照做手机封面　觉得好热情：系呀我见到

电影《富都青年》主演吴慷仁及演员陈泽耀同林宣妤昨日（19日）现身尖沙咀出席“第20届香港亚洲电影节《富都青年》”宣传活动，停留数分钟让传媒拍照。三人接受《香港01》访问表示：“有啲紧张，因为第一次喺香港睇到呢套电影，同埋同观众第一次见面，有啲紧张，希望大家会钟意！”被问到是否香港是第一站宣传的地方，他回答：“亚洲都系第一站。可能之前喺欧洲，韩国人都睇得明，我都唔知亚洲人或香港人，之后亚洲嘅观众会唔会钟意呢一种电影。

至于是否满意新电影的成品，吴慷仁则表示：“镜头系几好睇嘅，因为摄影师犀利。”陈泽耀继续发表感受，并表示：“非常之专业，我本身好钟意呢部电影，因为拍咗咁多套，第一套大家唔赶住收工，大家一直谂，我哋系拍边一场，可以做好去，可以花两三小时去拍每一场戏，大家好合作！”至于讲到是否第一次来香港做宣传，他说：“香港嚟讲就系，呢一次嚟到香港亚洲电影节，我觉得好开心，因为我已经八年冇嚟过香港，今次返嚟觉得好唔同！”

讲到今次电影是李心洁监制的情况下心情是如何，陈泽耀马上回应：“好大压力，心洁姐大家都说她是鬼后，佢真系鬼后，基本上心洁姐做监制，你返到去屋企都会谂起佢，太大压力啦！”吴慷仁继续搞笑回应：“其实唔会啦！因为佢系一个好好嘅演员，做一个演员需要检讨角色，佢对我哋分享好多对角色嘅想法，令我嘅演技可以阔啲，再睇多啲。”林宣妤续指李心洁会慷慨分享演戏。林宣妤被问到演出是否印象很深刻，因为近年都比较少拍戏，她说：“都系因为疫情。但好开心因为系李心洁监制，好开心呢部电影系讲好多唔同国籍嘅社会议题，令大家都会关注社会。”

讲到今次电影宣传会否计划谢票，他们异口同声说：“应该会有三场至四场，因为你个反应好好，我本身喺网上睇都话买唔到票，听讲再加多两场。”提到12月正式上画的时候会否考虑再来香港宣传，吴慷仁表示：“应该有机会，不过都要等返电影公司！”陈泽耀笑说：“睇你哋会唔会等我哋，想唔想多啲嚟！”被问到最想合作的香港演员，吴慷仁一秒回答：“毛舜筠（毛姐）我好钟意佢。”

至于讲到来港宣传的时候，吴慷仁遇到热情粉丝拿过去他演出的半裸剧照做wallpaper，他说：“系呀！我见到！”被问到电影票房获佳绩派什么福利，吴慷仁表示：“我会大声啲讲多谢！”至于有人建议要除衫派福利，陈泽耀说：“要再睇吓反应先讲！交俾我哋公司去讲！”讲到如果有二千万票房，陈泽耀搞笑表示：“唔止除上边啦，再俾啲嘢大家睇！二千万票房就肯定会再返嚟，其实一千万票房我都会返嚟！”

提到今次电影获得金马奖多项提名，会否考虑报名参加金像奖，他们说：“唔知道有冇报名。”至于即将举行的金马奖，是否有信心夺得奖项，吴慷仁表示：“其实呢部电影全部都系第一次，我第一次拍马来西亚电影，李心洁都系第一次做监制，全部啲人都系第一次，全部都系最好嘅安排！”陈泽耀说：“自己都系好开心㗎啦！能够入围到男配角，我知道金马奖系有五百几套电影拣出嚟，我期望唔系话好大！因为入边有好多前辈，同埋有香港嘅小朋友同埋童星。”林宣妤被问到同两个靓仔一齐合作的感受，她尴尬回应：“佢哋喺戏里面都唔系咁样。”吴慷仁严肃回答：“其实拍呢套戏我哋三个都好紧张，因为呢个系好沉重，每一个人都现场都唔会讲太多话！”