陈卓贤马场唱歌　房屋署署长罗淑佩台下如痴如醉 Ian：畀啲空间佢

陈卓贤（Ian）今日（15日）现身沙田马场，以一身靓仔煲呔造型亮相，Ian率先在开幕环节登场唱出《正式开始》、《抱抱无尾熊》及《留一天与你喘息》，观众席几乎全被Hellosss（Ian粉丝）占据，就连首席Hellosss——月前升职的房屋署署长罗淑佩都有到场，她更全程跟住Ian唱歌，非常投入！

活动结束后，Ian在访问中答谢署长，他说：“好多谢署长，好开心再次见到佢，有一次佢做访问有讲我个名话好欣赏我，我妈咪都好proud咁话听电台听到署长赞我叻仔，佢都有赞我叻仔，我阿妈好少赞我！”

被问到有否与署长打招呼，Ian表示：“头先同佢问见到面，打咗个招呼，感谢佢支持，但系希望大家俾啲空间佢，因为佢喺工余时间做一啲令自己放松同享受嘅事，我觉得系好尊重，亦都好多谢佢！”当记者提到局长全程跟住唱，Ian受宠若惊说：“我好开心！好钟意同大家大合唱，又可以突击测验考下大家系咪真系有留心听。”

Ian又透露今次是第二次入马场，之前曾来过拍宣传片，但赛马日入马场是第一次，很期待观赛，而且学骑马一直是他其中一个必做清单，希望有机会和拍摄与骑马有关的剧集或电影。Ian一向是MIRROR中的运动健将，中学已是排球队、田径队，又识打篮球，早前又踢波、学溜冰和冰球等，就连MIRROR五周年宣传照都跳高跨栏，他笑说是被摄影师出卖：“平时影相，摄影师嘅要求我都尽力配合，点知就输经验，我哋逐个逐个出去影，我话跳起咁动感，佢话个个都系咁，咁我咪跳啰，点知睇返啲相得我一个系咁，可能大家对跳起嘅定义唔同。”不过可以的话，Ian希望MIRROR可以搞运动会，更表示：““我可以玩十项全能赛，佢哋可能嫌攰就唔玩，我就唯一一个攞晒金牌！”

早前经理人花姐在社交平台放负，Ian透露近来冇同对方见面，但他认为每个人都有自己日常烦恼要面对，相信大家懂得自己调适，希望花姐早日解决，而他就不会刻意问候，并谓：“有时我自己有嘢烦紧，都唔知人哋问唔问候你好，可能会加重咗你担子，可能唔想人担心，大家会揾到自己个方法揾到出口，俾啲空间佢！ ”

谈到队友Lokman（杨乐文）、Alton（王智德）退出与Tiger（邱傲然）合作的服装品牌，Ian觉得不会影响到兄弟间的感情，他说：“大家感情根基好深厚，我相信大家可能有唔同发展或者想法，毕竟当初大家有一啲大概相同嘅想法，就一齐合作睇吓有咩搞作，但系如果觉得想要多啲自己私人空间、个人发挥，亦都系好嘅决定，最紧要佢哋自己OK，但佢哋感情好好系无可否认。”