玫瑰岗中学停办｜陈慧琳感慨回忆涌现 ：我都唔想母校冇咗

撰文： 张祖铭
出版：更新：

乐坛天后陈慧琳（Kelly)今日（12日）现身尖沙咀出席品牌开幕活动，并在现场介绍品牌新一季服装。Kelly一向热爱时尚穿搭，她接受《香港01》访问表示：“我衣柜其实真系冇位啊！啲衫多到爆晒，好惨啲衫着一次就冇得再着。其实我屋企有一个袋，每一次着完啲衫唔可以再着，我就摆落个袋度拎返公司收纳。”

Kelly笑称香港站演唱会尚未申请入纸。（张祖铭摄）

讲到老公同儿子会否投诉衣服太多，她说：“我老公好识做嘅，佢将个衣柜清空任得我摆！至于儿子，佢哋暂时对Fashion都冇兴趣，就算啲衫好紧同埋好短佢哋都唔知，啲鞋顶脚趾，啲袜同啲衫烂都唔同我讲，都唔知有问题，好傻啲男仔。”提到最近开学经常出现风球停课的情况，她笑说：“佢哋好开心呀！唔使返学，日日都希望黑雨打风，好恐怖啊！日日都系咁样。”至于会否影响学业赶不上学习进度，她坦言儿子就读国际学校，学业比较简单，暂时完全没有读书压力。

Kelly预告明天推出新歌MV。（张祖铭摄）

被问到上周澳门开骚台上爆喊一事，她说：“忽然之间有少少喊，因为突然之间见到咁多歌迷，咁远水路飞去澳门睇，都好感动！”讲到早前在社交网预告有新歌推出，她表示：“明天就有新歌嘅MV推出，系一只迟来嘅主题曲，因为呢一只歌系最近收嘅一首歌，明天终于出街！（会否考虑尽快再去香港举行演唱会？）香港演唱会仲未入纸，等我开完巡回演唱会先，因为啲歌要再编排。谈到早前好友冯德伦担任澳门演唱会嘉宾，她说：“打电话好耐都冇覆我，佢谂咗一个月，我就留言同佢讲我开演唱会你来玩下，一齐唱吓歌。她笑指假如冯德伦没有回复，也有plan B请第二个嘉宾。

Kelly对于玫瑰岗中学停办一事，她坦言不希望母校停办。（张祖铭摄）

提到玫瑰岗中学停办一事，她感慨表示：“我都唔想母校冇咗，玫瑰岗有好多回忆，我由小学读到中三就走咗啦！（有机会返去拍新歌MV？）我突然之间谂起有首新歌系得㖞，我惊我会即刻流泪。（会请冯德伦担任新歌MV？）Good idea我谂谂，咁就掂啦！”