【奇妙电视】“泽女郎”妹头无得再讲波：阿泽又衰格又好人

如果大家有收看有线球彩台的习惯，或者有睇《杜汶泽食住上》，应该对卢颂恩不会陌生，不过就可能只知道她叫妹头。其实她入行接近八年，在2010年便加入有线电视球彩台讲波，之后去过新城做DJ，亦都开始在有线娱乐台做主持，所以你在奇妙电视都会见到佢，化身做“泽女郎”。

专心做主持的她，现在已经好少在球彩台讲波，最多都系一个月客串一两场赛事。点解会咁？妹头接受《香港01》访问时就说：“因为我以前做亲节目都会开入球大，但呢排成日都无大波（赌波术语），呢一年就无咁准啰，可能因为我唔系持续性做。有线变动其实对我无乜影响，不过无得讲波就有啲唔舍得啰，因为公司想我专注做主持，讲波只可以系客串性质。其实依家有线易主仲好喇，有新金主嘛，又话唔会改变个架构，我觉得咁样几好。”

阿泽就出了名转数快，讲嘢抵死兼搞笑，妹头第一次同阿泽拍节目，会唔会招架唔住呢？妹头表示之前经常看他的戏，想不到真的可以合作，她说：“其实佢日日都爆肚，唔爆先至惊，佢讲嘢成日都好似衰衰格格咁，同埋佢好钟意揶揄啲女仔，玩啲女仔。不过你觉得佢玩紧你嘅时候，其实佢都系帮紧你，有时佢讲嘅嘢我哋都接唔到落去㗎，因为尴尬嘛，我哋只可以轻轻跳过。虽然佢表面好似好衰格，不过对我哋真系好好，又会俾位我哋讲嘢，又会请食饭。（有啲咩衰嘢呀？）好似有一次整焗猪扒饭，乘机系咁话我哋系猪扒，同埋佢好钟意食字，例如讲芫茜，又会话啲芫茜好臭呀，面包又讲吓包皮呀，电视就算我哋接到都出唔到街喇。系咁讲啲衰格嘢，不过都ok嘅，我哋都知佢一向系咁。”