阿仪未玩完？　AMM老板暗示畀机会：真心爱佢嘅粉丝叫佢顾吓前途

亚洲心动娱乐（AMM）旗下艺人薛影仪（阿仪）早前因在社交平台公然骂起自己经理人林宝玉，而被公司宣布无限期雪藏，很多网民都在阿仪IG上留言，直指她被其好友带坏！

昨日是林宝玉自家品牌“宝玉堂”的开幕仪式，其老板，即AMM主席赖彩云亦有现身撑场，在访问环节中，主席为近日阿仪一事解画！

很多人都未搞清楚，AMM与亚视的关系，其实两者之间已完成脱离，赖主席表示：“AMM喺脱离咗亚视之后，我哋都计划咗好多内容，主要系女团方面，台湾有个新女团叫JARA，我哋喺600个学生里面拣出嚟，所以系好优秀。”而林宝玉亦补充：“嚟紧加多两个香港，之后就会去台湾做选秀，再正式出道。”

当然大家最关心由“亚视一姐”变为“AMM一姐”的阿仪，赖主席指其实近一两年可以明显看到阿仪的变化，她说：“其实阿仪出道，有啲人会觉得平台利用紧佢，咁讲嘅人我觉得佢哋心入面认定咗阿仪系有问题。但我哋平台目标好简单，我哋深深感受到阿仪想做呢个角色，但系之前因为疫情，好似自由发挥，无意之中俾人贬低嘅嘢就出现咗。今年我哋投资咗喺佢身上，希望可以系带出正面讯息，唔再系玩玩吓，佢都可以好努力学唱歌跳舞，首歌出嚟之后系有正面影响，都睇到好多正面嘅粉丝。”

但对于今次阿仪的行为，赖主席亦表示AMM不是要真的永久雪藏阿仪，而是希望收到一个警剔的效果。“之前嘅阿仪，好多人留言都系一啲搞笑嘅嘢，但今次我睇到好多系好理智，真心爱佢嘅粉丝，叫佢顾吓前途，我觉得系唔同咗。至于我哋出个声明，如果唔出佢会愈讲愈爽，过激咗，都系一个流程要做嘅嘢。接落嚟都系睇佢自己态度，原本会有第三首歌，系主题曲，我哋做娱乐媒体，就系想带正面讯息，本来想拍一套戏喺讲一个女性点样为自己争取，而家睇睇接下来会点。我哋都唔系好决绝，只系一个流程，希望佢可以警剔吓自己，唔好过激。”希望阿仪会听到主席这番话。

赖主席亦有大赞作为经理人的林宝玉：“宝玉带住佢都好用心，宝玉好了解佢，阿仪一句说话一个动作，宝玉就知佢谂乜嘢，所以阿仪都需要啲成长时间。”至于被问到会否原谅阿仪，赖主席则语重心长地说：“原谅唔系剩系得把口讲，原谅佢肯定要意识到自己有冇做错先，如果佢自己都唔知道做错乜嘢，就未到原谅呢步。其实我哋都唔系干涉佢交朋友，大家都可以有交朋友嘅权力，只系用IG、出活动时候要有交代，至少佢要意识到自己嘅责任。”