JPEX|多名艺人为平台拍片卷风波 梁思浩:好彩我自己个人好小心

撰文: 吴子生
出版:更新:

梁思浩今日(20/9)现身将军澳电视城古装街,为无线综艺节目《通灵之王2》宣传造势活动。对于虚拟货币平台“JPEX”拟涉及诈骗一案,警方拘捕8人,当中包括两名网红林作同陈怡,涉款约12亿港元,事件引起全城关注。

梁思浩今日现身将军澳出席无线综艺节目《通灵之王2》宣传造势活动。(叶志明摄)
梁思浩为《通灵之王2》拜神。(叶志明摄)

梁思浩接受《香港01》访问时表示:“其实之前有一啲嘅虚拟货币平台揾过我合作帮佢哋拍嘢,但我就同经理人讲,我唔系好知佢哋公司做咩,于是对方就不停咁解释畀我听,唔知系咪我蠢,佢点讲我都唔系好明佢哋背后嘅业务系做啲乜,加上本身我连财务公司揾我拍广告我都唔拍嘅原因,我就同佢哋讲,我有自己嘅红线,所以拒绝咗佢哋。好彩我自己个人好小心,同埋我经理人都好小心,其实只要你细心睇吓,喺国内同香港都好,好多时都会借助我哋啲艺人,去宣传一啲未必合法嘅事。(你警惕性都好强!)就好似《通灵之王》咁,识我嘅人都知我系想件事好,多过想赚钱嘅人嚟。(本身有有投资虚拟货币?)我系冇。因为我唔识嘅嘢我系唔会去掂啰。就好似黄金咁,我系要实实在在摸到𠮶样嘢,我先会买。”

梁思浩指自己曾拒绝虚拟货币平台的拍摄邀请。(叶志明摄)
梁思浩表示从来没有投资虚拟货币。(叶志明摄)
梁思浩诚心拜神。(叶志明摄)