Jermey落台即揽花姐爆喊　日式餐厅结业当买教训：下次努力啲

MIRROR成员Jeremy (李骏杰) 首次举行个人演唱会，全晚又唱又跳两个多小时，最后感谢花姐给予机会时感触落泪。完骚后，Jeremy接受访问时表示十分满意今次演出，自评8、90分，并透露落台第一件事就系揽住花姐大喊。“系开心同感动嘅泪水，因为无谂过可以咁快开骚，由筹备到今日都好期待。”但问到会否想开多几场时，Jermey笑言：“呢个rundown 开一场就够，因为完全无考虑自己体力同把声，拣咗好多比较难唱嘅歌，到总彩排时发现出事，但都顶埋佢。”

提到嘉宾Serrini，Jeremy表示一直想与对方合作。“佢好独特，我觉得如果我哋之间有火花会好好睇，因为我同佢都系做紧啲好独特嘅音乐。（有无机会合作？）想，今晚之后会问佢攞歌先。”而提到与Jer、肥仔合资嘅日式餐厅，结业后嘅财务纠纷，Jermey表示：“当买个教训，阿妈都叫做下次做多啲功课。（有无影响心情？）演唱会对我来说系好重大嘅事情，所以当时喺宁愿将心力放喺个唱上。蚀钱⋯⋯无办法，做生意一定有赚有蚀，下次再努力啲　”