刘马车坚称同邓月平拍过拖　扬言有实质证据等“发酵”：我有片！

网红刘马车早前出狱后依然不改其出位风格，借由与邓月平“传绯闻”而再次引起网民关注。今日（26/08）他约粉丝相聚，未到约定时间已有7至8位粉丝于尖沙咀钟楼附近等待他的出现。刘马车接受《香港01》访问时，仍坚称曾与邓月平拍拖，更直言有证据，他说：“我有片！”

想娶邓月平

他说：“30岁之前仍然想娶佢！我今年27，希望自己无论喺音乐或者演艺事业上面更上一层楼，我唔想俾人话食软饭。”他又再次澄清，自己的确与邓月平拍过拖，而且他们之间非常纯洁：“我哋冇亲密行为或者肉体关系。（拖手仔，钖嘴？）情到浓时就好难避免，我哋有嘴对嘴，但系当时唔系为嘴而嘴，都系去到𠮶个moment。”

被邓月平夺走“人生最宝贵第一次”

他还“似层层”地讲述当时的情况，他说：“当时行观塘海旁，我仍然好回味当时画面。当时我出道咗几年，佢都未正式出道。佢当时15岁几，大家都情窦初开。（月平的初吻？）我唔知系咪佢嘅初吻，反正就系我嘅初吻，我人生最宝贵嘅一次就畀咗佢，但系我冇后悔嘅。”他表示，后来因为邓月平认识了一个富二代，娱乐公司的老板，又在朋辈的影响下才慢慢疏远了。他也透露，分手的时候两人面对面相见，他说：“佢话，大家呢个时候一齐都唔系咁好，想等大家再好啲先，佢其实系暗示同我一齐冇进步空间。”

有片证同邓月平关系

虽然很多网民笑他“吹水”，表示“冇图冇证据”，认为他曾与邓月平拍拖是假的，对此，他则回应：“等大家个反应再大啲，我想睇网上讨论再升温，即系𠮶啲‘马车你收X啦！’‘吹水’𠮶啲。我有片添，但系唔系𠮶啲床照，色情嘢，系啲揽揽钖钖，生活上嘅点滴，其实就好平常。但系我又唔会受网民啲激将法，我就系钟意吊吓你瘾，放心，适当时候我会放出嚟！”

想同月平演夫妻拍床上戏

刘马车更表示正在积极地邀请邓月平与他一起参演电影，他还想和她在电影中饰演夫妻，但就不会以提过的所谓短片威胁。他说：“月平同我拍戏？我会畀个角色，应该系直接老婆，因为现实中冇机会实现，就可以圆咗心愿。（床上戏？）都OK嘅，视乎情况啰，我都会祝福佢，我都知自己现实中好难同佢一齐。”