泥鯭黄心颖盛传双喜临门　6号缪浩昌回应：我哋系会恭喜佢嘅

艺人黄心颖和乐队Rubberband鼓手泥鯭，日前惊爆已入纸申请注册结婚，盛传两人双喜临门所以黄心颖才会心急嫁人，兼抢先在前度马国明娶汤洛雯之前做人妻。

今晚（18/8）Rubberband 主唱6号（缪浩昌）出席太古城电影首映礼，就此事接受《香港01》访问。他说：“首先佢哋入纸呢啲开心嘢我哋系知道，同埋我哋系会恭喜佢嘅。（婚期系年尾？）呢个就等佢哋自己答。（你会唔会做兄弟先？）我要睇吓𠮶阵时嘅状态，因为我过咗二十几岁时想做兄弟嘅时间。不过都睇到时嘅需要，可能做斟茶递水嘅工作。”

记者追问结婚事宜，他也回答：“（佢应该喺香港大搞？）呢啲你问返佢。（传双喜临门，有冇恭喜佢？）呢个，呢个都系猜测，呢个你都系问返佢自己，呢个应该系。（呢个应该系真？！）唔⋯系。（准备咗咩礼物俾佢？）未准备，可能送啲轻嘅嘢，始终我哋都系一队清贫嘅乐队。（送BB衫！）哈哈，唔系，呢啲迟啲先再谂。”