吴卓羲搞玩具模型展晒300件珍藏　被问到菊梓乔：过嚟就过嚟啦

艺人吴卓羲今日（17日）现身澳门出席亚洲首个 AR 打造的玩具模型展览“玩托邦吴卓羲艺术玩动收藏展”开幕典礼，为展览正式揭开序幕。吴卓羲接受《香港01》访问表示：“因为之前收藏咗好多，自己喺屋企睇或者自己喺展览馆睇太自私啦！今次好多谢赞助商又钟意呢样嘢，我哋嘅概念系玩动展，我带着AR喺里面，因为我录左啲影片又介绍又宣传我嘅公仔，其实系我自己嘅设计，佢叫‘猪皮’，其实佢系我第一只猫。”

至于展览馆的花费，他说：“其实呢个展览馆，你哋阵间去睇就会知，其实要搬每一只都好困难，因为每一只都系好大只，同埋需时一年时间去筹备同埋运输。”提到是否自己构思，他分享：“一年前去构思，其实呢件唔系一件简单嘅事情，其实啲雕像系超过20箱，唔系纸皮箱，系好巨型嘅箱，所以最大嘅‘猪皮’系比较困难，佢哋啲材料系好实净。”他续指不方便透露珍藏品价钱，因为有很多都是品牌或者朋友送。提到保险，他说：“呢一啲系赞助商负责，确实系几多钱，我真系唔知！”

提到现时养了11只猫，会否曾经试过被猫整烂收藏品？他表示：“你唔讲我都唔醒起，我屋企啲雕像都真系烂咗好多，因为我本身有一个位就要摆雕像，我个猫就喺𠮶个位里面生活，佢哋觉得好得意，尤其是啲铁线，佢哋见到就会拍，啲雕像个头就跌咗落嚟！”

讲到下月生日怎样渡过，他表示：“都系忙住彩排，差唔多系澳门都会有个演唱会，演唱会都有好多人表演，完成咗演唱会之后就飞马来西亚去大湾仔嘅演唱会，𠮶个演唱会就会有张智霖，谢天华！”

被问到会邀请绯闻女友菊梓乔会否现身支持，他说：“过嚟就过嚟啦！唔嚟请都唔会嚟㗎！”提到会否邀请她做嘉宾，他大声回应：“大湾仔㖞！冇㗎我哋冇嘉宾㗎！我哋五个人表演已经好丰富。”另外会否选择歌单的时候凭歌寄意，他笑说：“我哋自己嘅歌都唱唔晒，我本身都系唱两手自己嘅歌曲，其他都系大合唱，容纳唔到其他人全部都系大湾仔五个人唱。”