周吉佩谈《中年好声音2》大热　闻有“周吉佩接班人”谦称擡举

周吉佩（吉吉）昨日（12/8）现身商场出席《Gimme LiVe 2023 “So Live So Good”》活动，他的粉丝“吉S粉”清晨5点就来排队，在现场举晒牌，吉吉表示自己一瞓醒睇到讯息都觉得好佩服，感谢他们等足12个钟，并先后唱出《修炼爱情》、《这么近那么远》和《Kiss Goodbye》三首歌。

音乐会举行的时间，撞正无线举行《中年好声音2》记招，身为上届冠军的吉吉未能出席，但原来他一路有睇直播。讲到早前网上流出十强大热名单，包括：《超级巨声》第一季第5名刘威煌、曾参与《全民造星III》获第9名的黄剑文（Kimman）、孙耀威细妹孙美贤、澳门靓仔古淖文（German）、澳门歌手龙世杰、曾参加《新秀》的姚安娜，以及童星“光头仔”王嘉明等，部份人更获封为“周吉佩接班人”、“周吉佩2.0”，他笑言：“太擡举，绝对冇咁嘅事！因为佢哋未唱我都知道佢哋过往嘅经历、作品，知道佢哋实力，唔系周吉佩2.0。”

部份参赛者与吉吉识于微时，其中一位就是刘威煌，他说自己小时候参加区际歌唱比赛，威煌已是黑马，常常获奖，不是第一就第二，而自己当时只是初出茅庐，又谓：“后来佢参加比赛，入咗行，我亦都喺另一个电视台做歌手，大家有唔同发展，今年我同威煌再相遇，同佢做咗个专访，断断续续十几年，大家都不停Update返大家啲嘢，所以今日见到佢，我觉得好开心，我对佢好有信心！佢系非常劲，亦都系我前辈，我觉得好彩我唔系今年参加《中年好声音》，如果唔系我一定⋯⋯（输畀佢？）唔好话输唔输，但佢系好强嘅对手，其他仲有好多，譬如Kimman弹结他都好劲。”

吉吉指自己冇资格寄语今届的参加者什么，只能分享心情，他说一定会紧张，但只好洗脑式的代入歌曲中角色，想想要唱给谁听，忘记紧张，他又说：“我决赛系本住‘都输㗎啦’嘅心情，所以先放开咗，呢个系最大嘅转捩点。讲真位位唱歌都唔差，就系争个状态，所以心态系最紧要！”