《中年好声音》群星出席电影首映独欠李思林　周吉佩揭最新情况

周吉佩（吉吉）今晚（11/8）与一众《中年好声音》战友支喾仪、罗启豪、颜志恒、丁文俊等人现身圆方出席韩国电影《乌托邦浩劫》首映礼，但就唯独不见李思林（Nancy）身影。吉吉受访时表示：“其实今晚我就有刻意去问佢今晚嚟唔嚟，始终都知佢呢排都要处理佢细妹Coco嘅事，我哋都唔想去打扰到佢，想畀啲空间去等佢清静咁去处理，相信佢迟啲会返嚟我哋《中年好声音》大家庭。”

问到Nancy在WhatsApp群组有冇声气时，吉吉表示：“佢有时都会覆吓，都会倾吓两句，见佢心情都Ok嘅。就好似今日我哋成班庆祝8月份生日嘅朋友，Nancy都喺个group度同我哋讲生日快乐。不过我哋系好明白佢而家嘅心情，我系好明白亲人离别𠮶种伤痛，咁所以我都有同二家姐（Nancy）要好好回复自己个状态先，至于话出嚟玩同见面𠮶啲都系后话。”