全民造星5｜白水遭乐导多次侮辱　阿泽不愿10强努力被抹杀

自称《全民造星 5》导演嘅曾伟乐日前喺讨论区出长文爆料，其附上大量对话截图，狂数已出局嘅阿泽，指他在背后离间参赛者，又话阿泽并非“乐园工程师”；长文中，亦提出海外参赛者Kingston（黄昱翰）被欺凌。

长文一出，Kingston先否认被欺凌，并指参赛期间得到很多哥哥照顾； 随后阿泽亦在IG限时动态表示：“好多事情唔讲唔出声，只系唔想事情发酵到一发不可收拾。”阿泽希望大家集中喺10强表演，认为佢哋嘅付出唔应该因是非而被抹杀，而黄锋嘅努力更系值得被看见。

另一已出局嘅白水昨日（4日）亦在IG限时动态发文，指乐导（曾伟乐）曾在众人面前侮辱自己，第一次是2月进行完60强自选项目彩排后：“你当住全部人面前用用我个名黎（嚟）笑，帮我改名，叫我X水？”另一次是《造星5》记者会前日，乐导与其他人正讨论fans club名，见到白水嚟，在众人面前表示“我谂到啦，你就叫X水啦，咁啲fans一见到你就会对你嗌 X（HI）水，系咪改得几好啊X水？” 白水表示当即感到被侮辱同受到欺凌感觉，并曾向对方表示反感，但乐导之后多次在众人面前叫白水“X水” 。