Toyz爆钟培生系变态　忆不堪回忆：佢想将佢灵魂摆落我身体度

“百亿富四代”钟培生约战Toyz，《The Cage 拳上 2023终于之战》明晚（5日）将于台北小巨蛋举行，今日（4日）过磅记者会上早已弥漫火药味。过磅后拍照期间，钟培生与Toyz对望了一眼后，就忍不住掴了他一巴，场面混乱险些变成群殴！事后Toyz接受《香港01》访问，直言钟培生是变态。

记者会上，Toyz接受《香港01》访问说：“虽然我都唔系咩好人，但系经历咗咁多嘢，钟培生喺心入面个定义愈嚟愈低，人品评值一直都唔系好好，佢对外好似包装得好好嘅富二代，但系私底下为人唔系𠮶个样。我同呢个人基本上冇可能做到朋友。”

他又指出，这么多年自己都没有理会钟培生，但钟培生却一直与他纠缠。他说：“佢一直都想红，就黐住我，令大家识到佢。佢一直都讲有冇人识佢最重要，佢喺我身上就做到呢一点。”Toyz又表示钟培生控制欲很强。他说：“啱啱相识嘅时候，佢似系想将佢灵魂摆落我身体度，系有少少变态，例如用我fans page post一啲好personal嘅嘢。”

提到“大家都不是好人”这一点，Toyz认为他是靠自己，而钟培生就是靠屋企。他说：“呢条友都系靠屋企，所以当然屋企有钱唔系佢选择，所以外界睇落好似富家子弟去恰白手兴家嘅人。我细个穷开有啲骨气，所以唔会臣服于呢啲金钱权威底下。”

对于明晚拳赛，他就表示钟培生相比起自己平日对练的拳手弱，所以不太担心，而且口气还十分大。他说：“可以打断几多条骨就几多条骨，起码要打断鼻骨，行落台要流晒血嘅！上次听讲钟培生冇KO就要畀一球，系咪？我收到风钟培生最后都系走数。”