专访｜麦浚龙周国贤相识廿载 　一个嫌啰嗦一个嫌无聊

自2020年完成《The Album》系列后，Juno（麦浚龙）再次投入影视世界，直到去年与薛凯琪合唱《月球上碰面》、今年4月西九音乐节演出，歌手Juno的出现，引起了与他相识多年的周国贤嘅show瘾。“我真系有留意佢西九嘅演出，feel到佢有新嘢想试，而我去年完成红馆骚之后，亦想喺自己音乐风格上有新尝试，于是我饮完一杯白酒之后就打畀佢。”

两位同是2000年代出道的歌手，缘起于各大音乐颁奖礼的backdrop，由Hi同bye，到后来一齐拍旅游节目，促成了《从此世界多了一分钟》、《True Romance》以及《雷克雅未克》。多年来，周国贤无间断地send demo给Juno。“我啲demo太高音，喺我所认识嘅人当中，佢应该系最高音。”对于周国贤嘅单方面输出，Juno感谢对方的好脾气之余，亦理解成“佢唔唱，咪send畀我”。

一个啰嗦一个成熟

谈及对对方的印象，周国贤以“低调但啰嗦”形容Juno，而Juno就以“成熟咗但都系钟意讲无聊嘢”形容周国贤。到底有几啰嗦？“上星期我有同事收到佢28分钟长嘅voice message”Juno闻言后，解释是正常操作，并谓：“而家算好，一揿掣就可以讲，我制作《The Album》时，林夕系要买防水喇叭，将我啲audio转入电脑，冲凉时慢慢听。”对于Juno的长气，周国贤某程度上是享受的，他说：“佢分享自己嘅世界观，呢啲会刺激到我队band要走咩方向。”Juno剧透在音乐会中，周国贤会以人类的角度演绎自己歌单，而自己将会以AI、神魔的角落出发，两个对立的身份令大家在构思歌单时更为容易。

打嚟都唔慌有好嘢

Juno在访问中，多次提到4月西九音乐节的演出，他表示当时并没有考虑太多因素，单纯想与歌迷见面，完骚后对自己的音乐有重新了解，而刚好接到了周国贤的邀请：“有去睇嘅都知，我同乐迷有一分钟约会，而就系呢个一分钟约会推使我想喺公开演出上，再延续同乐迷嘅约会。”难得有开骚的想法，Juno不是没有考虑以个人形式进行。“可能其他人打嚟，我会谂多啲，但佢……始终识咁耐，一打嚟都唔慌好嘢（笑）。所以当时间夹到，又有方向，咁就去。”自从公落实开骚后，不少乐迷都留言点唱，但两位歌手都坦言有自己的歌单，周国贤说:“要睇啱件事，同一首歌，永远唔可以唱返05年嘅感觉。好似《目黑》咁，而家都唔会唱返20岁嘅感觉，亦唔会因为首歌历史悠久而唔唱，而系要揾一个最啱佢嘅形式去唱。”

场地 - Until Coffee @until coffee

Makeup - Janice tao （Juno）、vinciwinkidotcom @vinciwinki.vinci（周国贤)

Outfit - Kamonuj （Juno）、 Issey Miyaki（周国贤)

Hair - evechiuhair @w.work.shop（周国贤)