姜涛被古巨基笑“傻佬”　迫自己睇叱咤表演片段：𠮶3分钟好漫长

古巨基（古Sir）与姜涛去年合唱《爱回家》后，昨晚（3日）一齐在网上音乐节目《Music Panda》现身，节目内共唱了八首歌曲，古Sir挑选了姜涛原唱的《Dear my friend,》来悼念离世好友钱国伟，场面感人。

姜涛演绎古Sir经典作《致少年时代》，感叹入行前年少无知懵懂感觉已不复再，坦言很想念初入行不需要三思而后行的自己，古Sir指他认识的姜仔是一个傻佬，笑说：“佢（姜涛）有时急住讲嘢，佢话‘基仔呀我觉得不如咁咁咁’唔够半分钟佢又话‘唔好意思呀，我头先唔应该叫基仔，古Sir唔好意思呀！’”在旁的姜涛笑到弯晒腰，古Sir再笑谓：“我喺工作群组传录音，佢俾反应唔系打字又唔系贴图㖞，而系敷mask嘅相。”大赞他仍然单纯可爱。

提到入行后最开心及最沮丧事情，古Sir卖口乖指“梗系识到我老婆啦”，姜涛则指五年前夺得《造星》冠军，和凭自己作品《蒙著嘴说爱你》站上叱咤颁奖台得到认同觉得最开心！不过谈到沮丧事，他不讳言是今年1月1日的叱咤颁奖礼事件，他说：“𠮶晚、𠮶几日我未知件事去到咁，未意识到件事咁，只知唔唔系几好。但突然睇IG、Facebook，哗，𠮶个报道可以用见海量式嚟形容。我平时去开维园打波跑步，但𠮶段时间唔敢去，好惊人哋望住我，会低头… 我唔敢睇𠮶个表演，过一个月先敢睇，有日喺屋企坐定定，𠮶个moment迫自己一定要睇，客观地审视，我唔可以逃避呢样嘢，一定要揾到唔好嘅地方系乜嘢。跟住坐喺度睇，哗死，𠮶个感觉系（慨叹），睇嘅时候唔夸张，但睇完低头唔得迫自己继续睇，睇完，哗，𠮶三分钟真系好漫长！”姜涛选择不逃避，成功过了一关，之后选择删取所有社交媒体，专注工作。他坦言当时预料会失去很多东西，甚至由零开始，直至花姐告知他今年会举行演唱会，他珍惜这个机会再努力调教好自己。