关楚耀自爆2月已求婚成功　揭女友晒20万现金真相：夹份做生意用

TVB热播剧《一舞倾城》大受欢迎，今日（20日）剧中主要演员齐齐出席宣传活动，当中关楚耀就成为传媒焦点，事关在520这个特别日子，他宣布向网红空姐女友Joann求婚成功！

正所谓人逢喜事精神爽，关楚耀今日现身全程笑容满面，非常之开心，他在接受《香港0》访问被问及为何选择520求婚时，原来另有真相：“其实我喺2月求婚成功嘅，身边好多朋友都知道，但系我老婆话一定要拣一个特别啲嘅日子，拣咗520。”原来如此。

从Joann在社交网站上贴的求婚动态影片所见，当时求婚地方在泰国，现场布满花非常浪漫，问到是次求婚计划了多久，他就表示：“计划咗几个月，因为始终唔喺香港，多谢泰国𠮶边啲朋友帮忙去联络花店𠮶啲。（女友有冇感动到喊？）我第一个喊先去到𠮶个情景，又系自己一手策划，好感动。”而他亦续说今年自己40岁，加上妹妹又生小朋友，剧集又推出，认为时机成熟就去做。

另外，未婚妻Joann被挖出在去年于社交网站上载手拿关楚耀给的两大叠千元大钞，被网友指炫富兼土豪味浓，对此，关楚耀就表示：“𠮶笔钱我同佢一齐夹份做生意做嘢用嘅，咁啱喺情人节𠮶日我哋决定将𠮶笔钱搞生意。戏入面Marco哥先钟意派钱，大家唔好误会，现实中我系好节俭。（平时有冇话送咩畀另一半？）好少，因为佢冇咩要求送咩，只要大家食吓茶餐厅都开心。”而对于几时举行婚礼，他表示未有计划，更直言会想生小朋友，不过要看缘份。