法言人｜赵璧渝演寸嘴Coco上晒身难抽离：已经入咗我心
撰文： 吴子生
出版：更新：
赵璧渝（Osanna) 今日（17/5）现身尖沙咀出席无线剧集《法言人》慰劳宴。虽然《法言人》上星期五经已大结局，但Osanna受访时透露依然流住剧中角色寸嘴Coco的血：“自从演咗呢个角色之后，我发觉Coco已经注咗入我个心度，同时又发觉自己有所改变咗唔同咗，就例如个发型同造型咁，加上性格上我变得硬净咗。以前我觉得自己唔得，但原来我系可以咁坚强，加上俾人一样寸寸地嘅感觉又几新鲜，感觉又几好，搞到我好自恋，一有时间就会睇返套剧嘅自己，同埋我系会剪返自己嘅精华片段出嚟，为咗呢个角色我真系上晒身，哈哈！”
此外，Osanna早前接受访问时透露为了追梦泣诉愧对家人：“新闻出咗之后，妈咪佢睇到晒，但佢都知道我系好乖嘅，亦知我为咗追梦，想争气俾佢睇嘅，而佢今次系十年嚟第一次，电视开佢就座定喺度睇，试过见到我出现咗一阵又唔见咗，佢系会追问我个剧情系点，而佢呢个反应系从来都未有过，令我好开心同好安慰。”
Osanna笑言还流住Coco的血。（叶志明摄）
同剧演员大合照。（叶志明摄）