周励淇自爆陀B期间曾作小产　打足两个月安胎针：人生最徬徨

周励淇（Niki）2018年与内地演员傅浤鸣（前名傅程鹏）结婚，并在2020年诞下儿子Morris。Niki日前在个人YouTube频道中透露原来喺怀孕期间曾经一度作小产。

Niki表示当得知自己怀孕是其实好害怕，原因系仲有月经：“为什么我会有period呢？因为其实系叫作小产，胎儿不太稳定，所以少少血出。我当时唔知，以为系period。到喺香港检查时，发现原来系有咗BB，所以我开头两个月都系安胎，要注射一啲安胎针，唔好郁太多，要瞓床。呢两个月系我人生最徬徨，因为系冇嘢可以做到，只系靠佢自己生长，医生辅助就系俾一个好嘅环境，每日都要打安胎针，自己打喺肚皮上。”

Niki一直到怀孕4个月才告诉妈妈，而为咗令胎儿有足够铁质成长而放弃了戒食牛嘅习惯。由于怀孕期间撞正疫情最高峰期，Niki唔敢外出，整个人都变得好抑郁。“每次产检好似打仗一样，包到冚，戴口罩，当时世界好似变得好灰暗，自己心情亦都唔太好，成日留喺屋企冇嘢可以做，有咩都系上网睇资讯，睇到有部读读机，可以畀小朋友喺肚入面听频率，佢出细就会乖，不过其实部机好嘈。其实BB都算乖，喺肚入面郁吓郁吓，但唔系撑晒出嚟好劲𠮶啲，有时摸一摸佢，叫佢好乖又缩番脚仔入去。”