恋讲嘢｜男友忽然失联三日　突收死讯却被禁出席丧礼：觉得我太细

ViuTV节目《晚吹 - 恋讲嘢》昨晚（25日）的一集，邀请到现年24岁的Ellie分享自己一段“生死恋”的经历。她表示自己与年长五岁的男友于打机时认识，两人当时分隔两地，经常要视像通话和写信来往，不过男方亦试过飞过来找自己，而两人见面之后都做一般情侣会做的事，行街睇戏食饭样样齐。然而，突然有一日，男友却突然失联：“佢每晚都会话俾我知返到屋企，瞓觉都会同我讲声，佢揸车返屋企冇几耐，就话我知架车好似有啲问题，佢话要落车睇睇，返屋企再同我讲，但系𠮶晚之后我就冇再收到任何message。”

她表示当时都不以为意，以为对方可能太累睡著了，但直到翌日对方亦一直没有任何的回复：“第三日朝早，我真系忍唔住要打畀佢个朋友问，打电话之前，我见到佢个friend喺社交网站度转咗黑头像，之后话‘点解咁早就走？’我𠮶时就有啲惊慌，就打咗去畀佢朋友。”然而，对方接电话后一直没有说话，并叫Ellie打给她男友的爸爸，她才从对方爸爸口中得知：“佢走咗喇。”

Ellie坦言，听到对方伤心的语气，当时根本没有再追问详情，那段时间亦因为太伤心不敢去打扰男友家人，直到男友丧礼前，Ellie再收到男友爸爸的电话：“佢话，佢过几日落葬啦，但系我唔想你过嚟，佢话因为觉得我太细个，唔适合再见到呢啲事。”她坦言明白自己太年轻，而且不够坚强去承受生死，所以很感激男友的爸爸，让他男友在自己的脑海中永远都是快乐的：“佢咁做系为我好，我自己亦都系唔想去，我冇后悔过嘅，我觉得唔去系正确嘅。”

她表示意外发生半年之后去拜访对方的父母，才真正知道当时男友身亡的原因是失救致死：“𠮶晚佢落车睇下咩事，然后后面有架车撞埋嚟，个司机落车见到撞到人，但佢第一件事唔系叫救护车，而系打电话叫佢屋企人嚟。”Ellie表示，当时男友家人到场之后决定叫救护车，但最终因为耽误了太久失去最佳救援时间，救护车到场时男友已经死亡。这位导致Ellie男友死亡的司机，最终被判两年刑期：“佢同我男朋友一样都系24岁，佢打畀屋企人先，都系我好唔理解嘅事情，佢被判两年，因为佢冇走到冇逃逸，而且佢有叫救护车。”

Ellie表示男友离世前从事IT行业，他写的第一个app就是为了自己而写：“有粒按钮，你揿一下就会弹一句‘I Love You’出嚟，再揿多下就会弹一句‘I Miss You’，如果佢忙紧，我就可以去揿，就好似佢陪紧我一样。系咁揿，每日至少都开一开个app，揿一下好似佢仲喺度咁，两年之后就冇揿喇，因为部电话坏咗。”

她坦言当时曾一度自残，用身体的痛去掩盖心灵上的痛楚，而有时夜阑人静的时候亦会再想起这位已离世的男友：“影响到我嘅日常生活，我会开始憎佢，我觉得我唔应该去承受呢啲痛楚，点解我承受呢啲痛楚系因为佢，佢嘅离世令我嘅生活变得唔正常，变到好似人唔似人鬼唔似鬼咁，仲会发梦成日见到佢。”虽然她口中用一个“憎”字，但被问到会否有说话想与他讲，Ellie流泪称：“返屋企小心啲，一路小心。呢个系我想，我应该要同佢讲嘅嘢，但我最后冇同佢讲。”