周永恒销声匿迹三年突被爆遭内地太太家暴　伤势曝光头部受伤见血

周永恒2018年与内地女友陈薇（Britni）结婚，两人育有一子，2019年12月周永恒被影到在尖沙咀与一名男子打架，他被捕时更双手合十跪低向警察求情，自此他的生活变得低调，但Britni仍活跃于IG。今年2月有报道指Britni已删除与周永恒的婚纱照及多张合照，因而传出两人婚变的消息，但日前填词人因葵（陆谦游）却突然大爆周永恒疑似被太太家暴，更晒出多张他头部受伤的照片，可见伤势不轻！

因葵日前在Facebook出Post：“无论你哋认唔认得图中男主角，你哋觉得佢系乜嘢人唔重要，清官难审家庭事，但一个女人可以不停讲大话，诬捏（诬蔑）佢老公，仲要四围唱畀佢老公啲朋友听，话佢老公打老婆。呢堆相、whatsapp cap图内容系今晚人哋老婆同我嘅对话，其他受伤照片，系佢老公早前入医院嘅证据。”他又指当时周永恒刚做完脑部手术：“情绪病续渐（逐渐）好转嘅时候，到个老婆发神经。其实有暴力倾向系个女人，或者有人会觉得抵死，但呢个朋友，我用咗超过三年时间同佢相处，你唔会估到佢其实系点。喺你哋眼中佢只系八卦新闻一则，但我见到佢今晚含冤入狱，我实在忍唔住。”

因葵透露周永恒曾有情绪病，但现时情况已好转：“我同佢之间一直研究宗教哲学健身音乐创作，佢的而且确曾经系有情绪病，但佢做咗脑科手术之后，系越嚟越进步，以前佢会喺我面前发泄情绪，而家同我倾嘅系佛偈，一个耶稣仔可以同我倾佛偈，如果佢真系呃我嘅，抵啦！唔好计佢以前自己私生活系点，呢一个世侄唔只系朋友咁简单，佢可能系第一个令我发现自己有乜嘢弱点，令我进步嘅人，我曾经带过佢去彼岸，然后又回到俗世。我而家只系想讲一句：what doesn't kill me makes me stronger！”

现年38岁的周永恒过往劣绩斑斑，包括在2004年藏毒罪成判感化，同年又被爆与同模特儿公司助手兼拍档的港视小花刘依静（Ruby）有婚外情，他与前妻赵颂茹发生争执，令赵颂茹面部受伤，因而被封为“世纪贱男”，他曾一度声泪俱下读出公开悔过书，自称人渣兼闹自己“贱格，咸湿同贪玩”。离婚后周永恒曾与女团O.M.G成员黄芊咏（Cherie）拍拖，但又传出纠纷不断，Cherie声称被周永恒打，而周永恒亦承认有动手，但就指责Cherie发情欲短讯骚扰。后来周永恒与内地女子陈薇（Britni）拍拖，2018年奉子成婚，同年诞下一子。