梅启明否认呃工伤　怒骂YouTuber小文：揾屎淋佢，根本歪曲事实

已故天后梅艳芳的胞兄梅启明上月因工伤住院，一度昏迷，留医12后今日出院，他搭出租车前往圣保禄医院找梅妈（梅覃美金）前，向记者交代最新状况。除了怒骂梅妈的贴身看护，他又痛斥遭潘小文等YouTuber中伤自己，称要揾屎淋对方。

梅启明步出律敦治医院，受访时声线偏柔弱，他指自己冇乜气，昏迷两日又发高烧，医生帮他照肺、手臂和照脑，再排期照磁力共振，现时知道肺有黑点，问到会否怕生癌，他表示生死有命所以不害怕。

重提意外经过，他说是工作的餐厅厨房通道狭窄，他打侧身捧住饭时绊倒，但不会控告公司。梅启明表示：“告？我唔会告嘅，睇下劳工处点样啰。公司报咗劳工处，因为有帮我买劳工保险。”他强烈反对坊间有人指他呃工伤：“有啲人话我呃呢样呃𠮶样，我正式做到X街，你去个环境睇下，又窄又剩要打侧行，我开张做到而家，如果我要Claim一早Claim咗啦，点解要呃？讲啲废话，难听啲， 一分一钱都系有血有汗做出嚟，点解啲人要咁样？”讲到出院后能否继续工作，他说：“呢啲系日后嘅事，可能我听日死鬼咗！”

日前YouTuber潘小文在网台节目表示与梅妈通过电话，称梅妈对儿子行为感到惆怅，自己关心完受伤的梅启明，却被他大造文章，梅妈很不开心。梅启明访问期间开名痛斥潘小文等中伤自己、埋没良心，称：“你同我冚佢两巴，揾屎淋佢，根本歪曲事实！”他再三重复梅妈贴身护士郑姑娘阻止母子联络，冤枉梅妈老人痴呆等行为立心不良，必须第一时间赴圣保禄医院炒看护。

梅启明透露女朋友日前成功探望梅妈，与她食过几次饭，并说：“阿妈话好多衰人喺佢身边要胁佢，工人又话个姪仔两个月冇去探佢。郑姑娘早轮话佢脱离母子关系，我阿妈已经话冇呢件事！（你阿妈讲冇呢件事？）梗系佢讲㗎啦，冇呢样嘢根本！佢一见到女朋友就即刻揽住佢，揽到实一实，仲喊出嚟，连工人都喊埋。”

梅启明称女友探病时开电话让母亲与他视频，透露视频内容：“佢晚黑打畀我，问我而家点，病情咁样啰，我话我好辛苦，佢问我依家点，我话要等医生睇吓点。佢话你出院就快啲过嚟揾我，所以我而家咪要过去，第一件事我要趁郑姑娘未放工去揾佢，睇吓啲姑娘又搞啲乜嘢。”