梅启明专访｜被禁见梅妈两年　力数看护阻联络3宗罪：出院就炒佢

已故天后梅艳芳（梅姐）的胞兄梅启明日前在工作的餐厅厨房跣倒，一度昏迷送院抢救，记者联络到正留医的他，除了透露最新伤势外，亦为梅妈（梅覃美金）遭看护封锁消息而感到气愤。梅启明指看护禁止梅妈跟自己联络，母子已两年冇见面，并力数看护封锁消息、偷钱、待薄梅妈等三宗罪，称看护长期恐吓梅妈及谎称梅妈老人痴呆与失忆等，自己出院后一定会立即解雇她！

已故歌手梅艳芳（梅姐）的71岁胞兄梅启明本月24日在铜锣湾餐厅工作时失足滑倒，一度昏迷送院，留院至今近一周，现时清醒。记者昨日（30/3）联络到他，关心其病况时，梅启明愈讲愈劳气，指长居于圣保禄医院的梅妈（梅覃美金）被看护禁止与外界联络，无法得知他昏迷入院一事，他说：“我昏迷咗两日阿妈都唔知，昏迷𠮶阵警察同医生都有打畀阿妈，阿妈喺圣保禄，都唔知我入咗医院，俾𠮶个近身私家看护截咗，佢话阿妈失忆有老人痴呆，唔话畀阿妈听，阿妈根本唔知几精灵。朋友睇到新闻，打电话畀阿妈，佢先知道呢件事。”

斥梅妈看护封锁消息　曾想探病遭医院赶走

梅启明说近日梅妈终于联络到他，自己女朋友亦日日走去探对方，被问为何看护冇阻止女友，他说：“佢都阻止唔到㗎啦，根本阿妈嗌我女朋友去嘅，看护6点收工，我女朋友6点几7点先去，买几百蚊生果去探老人家。阿妈嗌两个工人行开，同佢讲好多嘢，话有人要胁住佢，咁嘅情况我一路都知，呢个人我今次出去一定要炒佢！”

梅启明力斥看护封锁消息、截断电话，又阻止两母子见面，自己上次见梅妈已是前年的事，即使去到医院都被保安等联手赶走，他称：“佢一路封锁晒电话冇听冇剩，我去到医院，医院又话佢唔喺度，连医院都瞒骗埋，你知道嘛？我闹过医院㗎，我话你依家包庇，你知唔知你做紧乜嘢？你一间私家医院，系咪先？佢唔畀我入就冇计啦，佢仲揾‘实Q’赶我添，我去到圣保禄，后尾咪Call差人啰，我话最好你Call差人添呀！”他指女友以前每星期都同梅妈打麻将，不过因为看护阻止梅妈联络外界，已经两年冇打牌。

指控看护中饱私囊　刻薄梅妈伙食差

除此之外，梅启明指摘看护手脚唔干净、将梅妈每月的生活费中饱私囊，他说：“每个月阿妈去银行攞钱，廿万，每一次返去数，就唔见咗钱嘅。（边个攞钱？）阿妈同看护去攞，好彩啲钱唔系畀工人揸，如果畀工人揸就怀疑工人，但阿妈返到去就直接数，冇经工人手，即系唔关工人事啰。好多次㗎喇，看护依家特登用啲说话想人哋真系当佢老人痴呆、冇记性，呢啲手段呃唔到人。”

他又控诉看护每月出几万蚊粮，却待薄梅妈，只给她食腐乳白粥，梅启明指：“你身为一个看护，喺圣保禄医院入面有两个工人，加埋佢三个人，有咩理由畀腐乳送粥畀阿妈食？”讲到梅妈住私家医院，理论上很好伙食，他就称梅妈不太喜欢私院伙食，自己认为看护有责任为梅妈预备营养餐：“你做看护应该知道老人家要食营养嘢，食咩嘢先有力㗎嘛，你要攞个心出嚟做嘢，系咪要咁？啱唔啱？何况你有𢭃人工，你系咪有居心喺度！”

出院即炒看护　称梅妈怕被看护换药哑忍多年

梅启明指该看护已照顾梅妈达7、8年，既然他如此不满对方，何不解雇对方？梅启明表示看护由法庭委派，每月从梅妈的廿万生活费中出粮数万元，对方指自己是由法庭聘任，不能解雇，甚至恐吓梅妈令她因而忍受及敢怒不敢言，梅启明说：“如果你做错犯规，乜嘢都要照炒啦，系咪呀？佢成日恐吓阿妈，阿妈惊佢特登畀啲唔啱嘅药佢食，佢做护士佢知㗎嘛，边啲安眠药、乜乜药、傻仔药，佢知㗎嘛，唔好讲话毒死佢啦，食到佢瘟瘟沌沌都得啦，𠮶时真系瘟瘟沌沌喇，唔系假喇。呢样最惊，所以佢唔够胆出声！”他称看护常对外间讲到梅妈老人痴呆，神智不清，但据自己了解真相并非如此。

梅启明预计两、三日后可以出院，他很希望去圣保禄医院探梅妈：“去我梗去！但系会唔会有咩变化，我就唔知。”出院后另一件要事，他说是第一时间出信解雇看护，更要叫齐警察和记者，他说这是为了梅妈着想：“解决佢（看护）啊正式，唔系阿妈点样咩啫？个人边度有精神？边度有营养？我都想佢长多几年命啊嘛！”他又表示：“我解雇佢嘅理由，我会写晒出嚟，到时我会畀晒记者你哋，我要用一个理由先可以解雇佢㗎嘛，我嘅理由系好充分，如果佢唔咩，我就报警揾埋差人嚟做嘢。上庭佢都唔够胆同我上啦，佢点敢同我上？个心亏，同埋咁样做嘢法点得啫？佢可能都呑唔少！”