梅启明自称冇攞阿梅遗产 一直努力工作：点样靠阿梅啲钱维生？

已故歌手梅艳芳（梅姐）的胞兄梅启明日前在工作的餐厅厨房跣倒，一度昏迷送院抢救，记者联络到身处律敦治医院的梅启明，与他视频，他透露最新伤势及还原意外情况。而讲到坊间很多人都以为他冇返工，单靠梅姐遗产维生，他强烈否认说：“根本我冇攞到佢一分一毫！”指自己虽然71岁但一直都有返工，地盘工、餐厅厨房都肯做，更坚拒攞综援！

工伤后最新情况　左边手麻痹

已故歌手梅艳芳（梅姐）的71岁胞兄梅启明本月24日在铜锣湾一所餐厅工作时失足跌倒，一度昏迷送院，留院至今近一周。记者昨日（30/3）联络到他，取得梅启明最新留院照，亦有关心其病况。电话中的梅启明声线虚弱，并不时咳嗽，他指自己已经好好多，但日前发高烧至39.3度，幸已退烧，亦否认行动不便或中风之说。他说：“行动冇问题，系麻痹，左边手臂膊头𠮶度麻痹。”

他指自己跌倒时的确昏迷，翌日下午苏醒，昨日终于可落床行几步，估计两、三日内出院，并谓：“我啱啱早两日发高烧，去咗验血同抽小便，啱啱今日退咗烧，医生话等埋听日睇报告。因为我个肺有事，个脑又有啲嘢，佢想我做磁力共振，但系要排期排到下个月18号，所以要出咗院再返嚟做磁力共振。”

强调一直有返工　反问：阿梅啲钱点维生？

梅启明又还原意外情况，指自己在厨房做炒镬，人手长期不足，明明8个人的工作，只得5个人做，他解释：“我旧年8月中开张做到依家，生意好忙，我又要炒嘢、又要蒸饭、又要打饭、又要切嘢，忙紧嘅时间冇谂咁多，炒完嘢就攞饭去打饭，攞饭嘅时间跣亲。”

意外的新闻爆出后，有网民就惊讶梅启明原来有返工，不符众人心目中“遗产KOL”的人设，他表示自己根本一直有返工：“我一路都有返工，做散工、冇做长，呢间做得最长，一直都有，唔系我点生存呀？”他强烈否认靠梅姐的钱维生，并说：“阿梅啲钱点维生呀？讲难听啲，根本我冇攞到佢一分一毫！点样靠阿梅啲钱维生？（有人误解你？）梗系，有人喺度抹黑又有，乜都有。”

70岁照返地盘工　坚拒攞综援

71岁的梅启明早已过了退休年龄，但他指自己一直都自食其力，去年还有做地盘工，要爬上爬落、髹油搬铁、斩草斩树等，又透露冇退休金，梅启明问：“去边度揾退休金嚟啊小姐？退休金你做嘢做到退休，政府工𠮶啲就有啫。”他现居于女友家，透露每月收入约2万元，除了照顾女友，还要供养13岁的儿子，指：“咁都要负担㗎！”讲到现时发生意外，出院会否去返工，他坦言自己手停口停，但详细情况要跟雇主商讨。

即使年纪大又发生完工业意外，梅启明称自己坚持不攞综缓，他说：“综援𠮶啲我哋唔攞㗎！有手有脚，使乜攞综援㖞！我一路都冇停！”

不愤梅姐钱被侵吞　因国安法变敢言

除了为好食懒飞和贪钱的形象平反外，梅启明指自己最不服气就是官司拖了这么多年：“我唔服气，阿梅辛辛苦苦揾返嚟嘅钱，点解俾呢啲人吞晒？呢个我最唔服气嘅一样嘢！如果佢将啲钱捐咗畀慈善机构，我就开心，你明唔明？可以帮到人，但依家俾啲魔鬼呃晒、谋晒，所以我咪唔服气！”

官司持续十几年，他直言以前不敢出声，但现在他声大大，梅启明表示：“上年啲记者都问过我，点解𠮶时唔讲依家讲，我话因为𠮶阵时仲未有国安法，所以我依家讲嘢就系咁大声！依家有国安法我就唔惊，你明唔明？啲黑暗嘢未行到𠮶度唔知，但难听讲，依家佢哋嘅所作所为全部一目了然清楚晒。”