张学友60+巡演 | 被封歌神仍有压力　年轻得个搏字：唔钟意𠮶时

《张学友60+巡回演唱会》于今日（30日）正式启动，首站将于6月9日在澳门举办，张学友表示：“因为澳门好多场地，做起上来比较简单，佢哋对节目需求多，变咗我哋香港揾不到场的时候，同一时间在呢度都可以揾到，多好多选择，在香港比较少，所以澳门系合适的。”

学友以一身黑色刺绣西装亮相，温文儒雅，状态fit爆，虽然疫情期间几乎都在休息，但每日依然坚持练歌、做运动：“全部都要，做演唱会都要体力，即系鬼叫你自己钟意咩，钟意你就再辛苦都唔怕。”不过他笑言，没有在疫情期间跳舞，并透露今次演唱会会减少跳舞部分：“因为我上一次演唱会的时候，我见啲fans走过来同我讲‘你冇辛苦啦，你唔使跳咁多㖞，企喺度唱歌得架喇’。”令全场忍不住爆笑，学友续指道：“我觉得佢系好真心。其实我想话畀佢听我开心，跳得好高兴，但系佢𠮶个系一个好真心的关心，所谓你要做得自己开心，人哋又睇到好高兴的时候，都要关注埋佢点样睇你。”

今次是学友第10次演唱会，他表示会有一些新尝试：“最大的挑战系点样令到你觉得同上次唔一样，或者点样令到你第10次演唱会同前面9次不同，呢个其实好难做的事。今次除咗揾了一啲我觉得可以表演的歌，但之前冇的，或者以前唔够胆用的，谂下点样用，成个表演形式，希望无论灯光或成个观感上都系会有唔同。”

虽然早已被封为“歌神”，但学友仍谦称：“做呢行真系冇安全感，要有危机感做事就会更好!”更笑言自己疫情期间感觉“失业”：“所谓𠮶个压力，我唔知我可以做几耐，唔知下一次系几时，或者做不做到，但系唔想呢次衰咗，因为呢次衰咗而下次做不到，唔想咁啰，下次唔做自己真系唔想做，咁样型好多。所以我压力来自人哋对你的期望，我自己都想做好啲。”反而233场不是压力？学友一脸苦笑道：“冇可能，唔会再发生。（超越唔到）唔系，因为谂呢啲好无谓，之前我做147场，做做下就又得㖞，我又冇谂到。”

选歌方面，学友笑指自己入行多年，只只歌都好似是怀旧歌，反而要思考如何将旧歌做得有新鲜感：“其实有好多歌自己以前系钟意，但冇机会做。冇乜所谓，即使系旧的歌，但都冇听过，其实冇听过都系新的，希望如果好熟𠮶啲，睇下可唔可以用新的演绎方式或者编曲，令大家觉得个歌有新鲜感啲。”

记者会上，回顾了学友由1987年到2016年9次演唱会经典片段，令他大为感触：“第一见到自己好后生，由87年第一个演唱会，觉得得个‘搏’字咁，好Green（新手）。其实我唔钟意我后生𠮶时，中间𠮶阵我觉得得㖞原来，后尾要又好似好努力去保持自己得咁样，所谓的感触系一个经历，会谂返好多以前。”

至于香港演唱会方面，其实学友原先考虑以本地为首站，更想过户外演出，但因为有很多技术问题及舞台效果户外场地难以解决，所以现在只会选在红馆，且已入纸申请，不过最快要2024年才能举行。