专访｜由独立音乐人到华纳歌手　Lewsz孖张蔓姿开骚盼走得更远

华纳去年底为旗下8位新生代歌手推出Future is Now企划，而喺2/8当中嘅Lewsz以及张蔓姿（Gigi），继《Love Lost》后，下月将会一齐开骚。由独立歌手变为华纳旗下，Lewsz希望透过今次的机会，让乐迷感受他的改变，而Gigi就更为简洁:“真诚”。虽然已非首次踏足麦花臣，但话晒都系以个人名义开骚，但二人心情各有不同，Lewsz:“其实冇嘢需要紧张，因为台下嘅人系钟意你而买飞入场，向而之前去做Tyson嘉宾时会仲紧张。对于我嚟讲，兴奋多于紧张。之前都试过唱更大嘅场地，我觉得人数唔系重点而系心态。”

张蔓姿去年刚夺新人金奖，公司随即为她安排开骚，是否可当作另一场的考验呢？Gigi表示无论做音乐或者开演唱会，都只想让大家感受自己，从未想过“成绩表”，但确实感谢公司给予的机会，希望不会辜负对自己以及 Lewsz有期望的朋友。“我本身冇谂所谓嘅新人光环，呢件事就好似中六合彩咁，唔系谂就会有，都几讲天时地理人和，如果每一步都去谂向上行定原地踏步，焦点就会变成你发展成点而非音乐事业。”

受哥哥Tiab的影响，Lewsz中六毕业后决定投身音乐，为令自己的音乐之路走得更长远，去年加盟华纳。“做咗indie3、 4年 ，明白如果要行得更远，就要有更大嘅团队帮助，同埋都觉得自己嘅能力已经ready，所以对呢个演唱会对我嚟讲有少少发布会。以前做骚，入场嘅都系钟意我嘅听众，而家入场嘅可能未必好钟意我，咁我就系要谂办法令大家感兴趣，或想了解件事。”Lewsz说以前只会留在家中或Studio做歌，直到签约公司后，才发现音乐原来可以与更多人碰撞。为了音乐会，二人除了《I CAN GET WHAT I WANT》之外，亦准备推出《Everything will be alright》，两首歌名都有著连接，Lewsz说自己比较属于everything will be alright，以前唔开心会饮酒，如今会选择瞓一觉再算，而张蔓姿认为人生道路上可以同时拥有以上心态：“要相信自己可以得到想要嘅嘢，但我唔会过份执著，去到某一个位就会有‘要谂到几时？’然后就转返出嚟。”

发型：Zivyeunghair（Gigi)、nicki ting（Lewsz)

化妆：Chi Chi Li（Gigi)、CarmenC makeup（Lewsz)