隐形战队丨马国明“爆石”被撞破下体打格　自问零偶包重现天然呆

无线热播剧《隐形战队》昨晚（17日）一集爆出精彩一幕，就是“视帝”马国明为了演绎出角色Ocean肚痛还要惨遭威胁的苦况，抛下偶包做出“逗趣”表情，当中马明招牌表情“天然呆”更重现萤幕。

昨晚（17日）剧情宝宝（唐诗咏饰）在囡囡（林子善饰）及娇姐（程可为饰）夹计下，不知就里地搬进Ocean家对面单位，该单位更由娇姐与Ocean共同持有。有一天Ocean绞肚痛但因忘记带锁匙有家归不得，肚痛难耐的他只好冲进对面单位如厕。由于Ocean如厕时以为单位冇人，故边如厕边发出连串“来自肚痛的叫喊”，令正值打扫中的宝宝大惊踢门直冲洗手间准备擒拿“变态佬”。

当宝宝发现“变态佬”原来是Ocean时，即拿出手机拍下对方如厕窘态，吓得不知如何反应的Ocean先是呆了数秒，之后即醒觉欲抢回宝宝手上“罪证”，可惜不得要领，只能掩脸遮丑兼为自己作最后辩驳。问到马明为何如此豁出去，他笑言并没有刻意豁出去，因为他视自己为演员：“我不嬲冇偶包，场戏都系想观众开心吓，因为剧入面好多紧张打斗戏，所以间唔中要有啲场口畀大家轻松吓。我都系跟剧本做，何况演员系应该冇偶像包袱嘅，因为我系一个演员。”马明又谓拍摄时有著短裤打底，所以丝毫没有尴尬，但就有忍唔住笑。

马明开心摆脱斯文框框：呢个剧话唔定可以帮我转型谈到剧集出街后获网民大赞有型，马明笑谓身边朋友也有同样看法，并感激监制文伟鸿（Jazz）赐予角色上的突破：“佢哋话：‘我从来都唔知你咁有型嘅’，都系好开心嘅，今次呢个剧话唔定可以帮我转型，唔使成日都系演啲斯文角色，譬如医生呀。作为一个演员当然希望有多啲唔同戏路，自己驾驭同演绎到而观众又钟意啦。所以都系再次谢Jazz，同埋所有幕后工作人员，其实系佢哋后面无名嘅付出，先至令我哋幕前嘅演员咁有型，所以真系好多谢、好多谢佢哋。”

对于Ocean“失眠”设定成功入屋，马明亦开心谓：“我自己睇剧本时都觉得呢个设计几好笑，可能因为佢对诗咏有啲内疚，话唔定就系呢个潜意识，令佢每次听到诗咏闹佢，佢就会觉得少咗啲罪疚感，所以好瞓啲。我拍呢段戏都几开心，每次我撩㷫诗咏，跟住录佢音，跟住瞓得好冧，全部都好好笑同得意。”