SoChing孖Winka音乐会终举行　透露正物色护理员亲自培训照顾阿Mo

女团Collar成员陈泳伽（Winka）及苏芷晴（So Ching）昨日（12日）于九展Music Zone举办了一场音乐会，这场原订于上年举行的音乐会因为So Ching当时要照顾男友阿Mo而改期，昨日终于如期举行，Collar成员Gao及芯駖亦有到场支持。

Winka及So Ching完成音乐会后接受访问，表示今次音乐会与粉丝十分紧密，就像在睡房开音乐会一样：“佢摆咗啲梳化喺后面，有少少似家嘅感觉。”So Ching则感觉现场有一队band陪伴她们开音乐会有安心的感觉：“喺我头先有惊嘅时候，我有专登望去后面啲band，其实佢哋都好畀到个Support我哋，所以我都好钟意同佢哋一齐表演𠮶个感觉。”Winka则说与So Ching对唱时看到对方眼睛就想哭：“我哋一望大家只眼就好想喊，有阵时可能会避开望佢个鼻，或者望佢个嘴，大家以为望紧对方，但其实可能望紧个鼻同嘴。因为大家太过明大家，所以望到有种眼神就会想喊想喊咁。”

Winka随后表示在彩排时因为太多技术上的事情要处理，所以在音乐会时就变成十分催泪，Winka在今次的音乐会只给予自己60分：“因为我觉得自己表现都系有啲飘忽，我觉得专业歌手唔应该发台瘟，喊啦，又唱得唔稳啦，我觉得可以再唱好啲啰，所以我就畀自己合格多10分。”

而So Ching只给自己50分：“有啲位都系因为自己个情绪来到了，所以就可能失准阿，我都唔想look back，我觉得要睇返啲片睇吓可以点改善，下次再好啲啰。”Winka及So Ching亦在台上预告COLLAR将会举行演唱会，但二人未有透露是何时。

至于So Ching被问到阿Mo的近况，她则表示：“同代祷信讲嘅差唔多，其实都系慢慢take time咁样去复原，都需要啲时间，始终都系一个好大好大嘅创伤，所以都要好多时间，所以我都要好多时间去照顾佢。”So Ching说如果有一位护理员可以照顾阿Mo比较“上手”才能放心，亦透露现正物色一个工人或护理员，她亦会亲自培训来照顾阿Mo。