隐形战队｜刘颖旋超强腹肌曝光　刘佩玥遭容天佑摸腰搜身零尴尬

《隐形战队》三大女主角 Madam Q(唐诗咏饰)、邢风(刘颖旋 Tiffany 饰)及 Shadow(刘佩玥 Moon 饰)新一集各自身陷险境。剧情讲述邢风及 Shadow 等人为了侦查活人狩猎案，不惜牺牲色相以水著 Look 混入“狩猎四人组”的泳池派对，被麻醉枪打中及被捉走。二人先在荒废小屋中被水淋醒，邢风整断手上索带与 Madam Q 一起展开深夜森林逃亡。

昨晚的“活人猎杀”个案绝对是本周单元高潮所在，不少网民看后大呼紧张。至于获赞有特种部队外形的 Tiffany，受访时笑指拍摄相关场口虽然辛苦但也好玩：“未试过任何武器都冇只能够逃走，佢哋仲要有晒枪，我记得好似喺南生围拍，我哋要利用好多位置走嚟走去。𠮶一晚除咗要不断跑嚟跑去，仲要跌落个榻榻米度﹛我𠮶刻其实乜都冇谂，个 focus 只系点样做靓个动作。”谈到难忘点滴怕冻的 Tiffany 笑指：“我觉得𠮶场都算豁出去，个环境又污糟又要瞓地下，又要撼落棵树度，已经冇得顾虑太多，同埋𠮶晚又系超级冻(之前拍泳池派对都系冻)，但我哋又要吓吓都喷湿个身，因为讲我哋系畀人淋醒，所以系喺超级冻嘅情况下拍摄，每次一 cut 机都要即刻攞番件褛或揾暖炉保暖。”

除了邢风,昨晚 Shadow 因为要埋 Billy 身偷电话攞料，除了“拜金女”上身向对方疯狂放电外，又约对方饮酒，正当 Billy 仔手多多摸大髀之际因发现手机不翼而飞向 Shadow 大发雷霆，其间更以搜电话为由对 Shadow 上下其手，有网民指如此亲密场口看得血脉沸腾。谈到与天佑拍摄如此场口会否尴尬，阿 Moon 大赞台前幕后都很专业：“因为我同天佑唔系首次合作，所以可以好直接沟通、去倾应该点做，监制 Jazz 亦有清楚指明我哋可以喺咩位做到咩效果，亦都有用镜头去迁就番，所以所有嘢都系点到即止唔会话有咩唔舒服或者尴尬。”