《金宵大厦》功臣过档ViuTV开新剧唔轻松 叶镇辉：仲赶过TVB
《金宵大厦》监制叶镇辉与编审罗佩清由TVB转投“Viu Original Studio”继续合作，新剧《Food Buddies》今（10日）进行开镜仪式，在接受访问时他们都直言无论在viuTV 还是TVB，其实自由度相差不大。
在接受访问时，被问到在ViuTV 拍剧是不是没有那么赶，阿细就表示：“其实都唔系，仲赶过TVB。因为佢可能喺制作上面，以前TVB可能好大个Crew，有好多support各样，但去到呢到相对地比较少，变咗系制作上面我哋会到处去揾好多唔同嘅人帮手，（好多时候要亲力亲为）系。”
对比TVB多年的制作模式，外界都似乎认同ViuTV 的自由度比较大，问到两位的时候，Ruby就率先表示：“我觉得就每个地方都有佢嘅限制，呢度佢个限制可能相对地资源少啲，但可能佢嘅观众层面接受的程度高啲，两边都系有难有唔难。”而在旁的阿细就认为差不多：“我就觉得其实差唔多，每边都有佢哋自己嘅制度上嘅嘢，其实我哋喺一个免费电视台播得嘅，其实广管局都有佢嘅限制，相对地都唔系争好远，只不过系可能剧种上面我哋可能会多啲编得意啲嘅题材。”
而过去ViuTV 制作的剧集较多都是雷声大雨点小，对此Ruby就表示：“其实都冇得担心，收视从来都唔系话我哋可以控制，我哋都系尽力去做。我哋觉得剧都系有佢嘅，吸引到某一批观众，咁我觉得已经系一个成功，唔需要话好著重收视。”认为能带出话题受到讨论已经很好了。
《Food Buddies》是围绕dating App为主题，而Ruby在创作上因眼见时下dating App如此流行，所以就有创作的想法：“我身边好多朋友都系喺dating App揾到另一伴，发觉网上有好多都关于呢啲嘢，依家时下嘅人会去，一个几得意嘅现象，会用呢种方法去成为一套戏所以不如试吓呢个题材喇！”该剧她只用了大概一个月时间就完成创作，一共有三个单元，三组男女故事。