专访｜N.Flying担任选秀节目导师未感压力　获FT李洪基关照感窝心

疫情缓和后，每星期都有韩星、泰星来港， N.Flying相隔三年多再次重临香港，最挂住嘅除咗系N.Fia（粉丝称号）之外，原来仲有云吞面、点心、桥底辣蟹同牛肉面。成员金宰铉喺访问中，坦言非常想shopping：“最想买鞋，总之靓嘅就想买，咩型别都唔紧要。”金宰铉就话之前虽然嚟过香港开骚，但因为时间关系，所以冇好好观众，希望今次可以周围逛逛。

过去两年多时间，不少人生活因疫情而受到影响或改变，N.Flying亦都一样，但队长承协认为其实亦都系一个好好嘅契机：“成员之间可以有更多相处时间和沟通，依家大家见到N.Flying更稳固一面。”事实上，N.Flying出道7年多，近年亦先后出任选秀节目（《Great Seoul Invasion》 《THE IDOL BAND ： BOY's BATTLE》）的导师、制作人，资力虽然比起同公司的FTIsland与CNBLUE较浅，但并未有因而感到压力。“除了FTIsland与CNBLUE，亦有日本的感觉PIERO和KEYTALK，工作时并不存在任何的竞争，气氛十分良好。而公司的前辈都会问我哋有无需要帮忙，特别系李洪基前辈，其实大家都系喺忙碌之中准备所有嘢，但依然会抽时间关心我哋，觉得好好。如果你问我哋有无压力的话，我觉得比起负担，应该系责任感更多，因为想要做得更好。”

身为队长嘅李承协，近年在戏剧方面亦有亮丽嘅表现，特别是《无法抗拒的他》以及《流星》，唔系“湿身”就系剥衫，结实腹肌令观众垂涎。之不过，今次香港之行，承协就话唔记得带埋腹肌嚟同大家见面，更踢爆队中另有真正“名品腹肌”者……想知系边个？即睇完整访问影片。